稻香 (建生商場) (已結業)

很久沒有到屋企附近的稻香吃晚飯，一入到酒樓，人流不多，但發覺一到了8:30後開始多人，應該是因為有優惠吧。首先點了一份羊腩煲，優惠$88 ，雖然羊腩不多，但勝在配料很多，而且個價錢性價比很不錯。再叫了一條棒，果然酒樓正的雨是非常好的。然後到主角出場，阿拉斯加蟹，稻香做緊優惠$188一斤，即叫即劏，這一隻大概$950非常鮮甜多汁，雖然蟹蓋不是太多膏，但勝在蟹腳非常鮮甜，蟹肉非常彈牙，啖啖肉。以屋村的酒樓來說，這個價錢性價比絕對很高，大家也可以一試。

在中秋節前，我跟家人提早出街食飯慶祝中秋節，走到屋企附近的 <稻香>！平日晚上，加上限聚令之下，限制 4人一枱，包括我們一枱，就算直至晚上 8:30 火鍋放題時段，都無補於事！最高峰只有8枱食客！我們點了中秋節套餐，套餐送一盒月餅，媽咪唔使煮飯，既輕鬆又開心！期間，招呼我們一枱的侍應阿姐好識講嘢，讚我媽咪，氹得她好開心！中秋節套餐：超值四位餐 $588乳豬拼盤包括：幾硬身的叉燒、酸香醒胃的雲耳、外皮又乾、肉又削的燒鵝、豉油雞不過不失，只有乳豬最好最有水準，豬皮薄脆，豬肉鹹度適中！玉環蒸釀柱甫四件玉環蒸釀柱甫，等於飲宴的縮水版，相當精緻！蒸節瓜好似熟透的冬瓜那麼軟腍富水份，瑤柱都算大粒！碧綠炒雙蚌翠綠清爽的四季豆，配上貴妃蚌，調味恰到好處！紅燒雞絲翅自從環保婚宴之前，魚翅在席上已經買少見少嘞！一絲絲魚翅算足料，質感濃稠及味道適中！清蒸花尾躉魚身鮮滑，加上配合蒸魚專用豉油，少一不可！濃湯鮮菌浸時蔬味道清新的菜式，清一清味蕾！不論份量及質素，我們都感到滿意！稻香月餅稻香雙黃白蓮蓉月餅卻不及美心雙黃白蓮蓉月餅的鹹蛋黃那麼油潤，略遜一籌！白飯本身都幾大兜，特別加入粟米粒。

我都長期買稻香燒味加餸，$58(嘉咩鷄)比錢時加價，個職員話係膠袋同膠盒錢，因為仲有街坊排隊我即時冇理論，唔係少少錢加咗而無理取鬧而係佢係比錢先出聲要收，好唔合理

2020.6.24 每年一度= 稻香$1雞每年必定支持的活動, 你好我好, 菜色雖然普通但有心思。$1🐔 今次炸子🐔咯咯。 每2人1隻, 5個人就只有2隻(除非加1茶位=6人3隻) 1隻手撕(自己動手)+1隻件上(用較剪) 肉質嫩滑, 小巧啱食, 不要大隻。菠蘿咕嚕肉: 超正既炭燒菠蘿/肉肉爆脆。 有心思!!鮑魚花菇菜: 鮑魚花菇同樣好味。 用心炮製!!廣島蠔: 略為濕左, 只顧食雞, 可能放太耐。 有進步空間!!仲有燉湯(無影相), 清潤消暑, 極力推介。

呢間稻香 開係屋村入面 但晚市永遠都唔多人唔駛等位 唔駛驚冇位 上菜快 稻香水準都唔差不過今日星期六黎 冇得食一蚊鴿 唯有下次再試今次黎食佢既長腳蟹3斤5兩 248蚊斤可以自己揀 係你面前稱啲蟹膏好好食😋 肉質都好鮮甜又可以一過啲蟹癮 唔錯👍🏻

稻香根據以往，每隔一陣子都會推出一蚊雞優惠，係會有兩位食客以上就可以享用一蚊一隻雞既優惠。以往一直都有見過呢個優惠，但都未有機會去真正嘗試稻香嘅一蚊雞，今日同屋企人係諗唔到食乜嘅情況下，便覺得試吓一蚊雞都未嘗唔係一個好嘅選擇。當然我哋預早用手機app撳咗等候飛，如果唔係真係等到頸都長都未有得食，所以我一家三口到左酒樓門口等左一陣就有得入座。我地主要點左一蚊雞，另外再加碟菠蘿咕嚕肉同埋菜。一蚊雞都算係幾有驚喜，比想像中做得好。雞肉十分嫩滑，雞皮都燒得脆口同帶有光澤，性價比絕對係高，而伴碟既蝦片都十分香脆可口；另外菠蘿咕嚕肉雖然是以正價點叫，但水準也很高。菜式質素水準絕對係中上，唯獨可挑剔既係環境同服務方面，由於店內座位分布算係密集，食既途中都會十分嘈雜，不能令人靜心咁慢慢食；而服務亦有改善的空間，都明白光顧的客人實在多，令店員們都顯得十分焦急，點餐上菜的時間亦頗長。

挑戰人的耐性，主要是食物可等一個鐘都未到，估計是所有單去左太空。食物估計沒有明火煮食，每樣食物不能夠話唔煮，只係屋企煮食應該會做到更好效果。好吧，這間根本不可能做到煮食標準，只適合甚麼？只有水煮同蒸。

冇人做嘢，連水都唔比我飲，餐紙都要自己攞出去職員個個黑口黑面，不過我發現今日經理唔係度，我哋足足等咗20分鐘都冇人比水我哋，勁慘如果唔係度度食市都滿客我真係唔想嚟幫親

未加價前食過一次$136斤, 好抵啊, 蒸要30分鐘, 肚餓嘅朋友仔可以叫小廿木食住等嘅, 清蒸已夠鹹啦,建議先剪蟹腳食, 之後再開蓋食其他部分全晚其他食客都係食蟹多, 今次少人食, 所以要左輕的嘅蟹, 下次要食大隻的!

今早入屯門探朋友，約埋去稻香飲茶。西鐵轉輕鐵，在建生站落車就見到。房委商場的酒樓就是大，周六果然都是爆滿的，還好朋友先到坐下了，這店11點前結賬有優惠。我們點了近10個點心。腐皮卷煎的挺香，不多油。蘿蔔糕比較綿，如果能咬到蘿蔔更好。燒賣有蝦放在上面，有誠意。三鮮卷似齋卷。蝦餃皮薄蝦多，口感豐富。排骨拼鳳爪，排骨無碎骨，鳳爪不錯。煎薄撐小朋友最愛，略為油膩。懷舊混醬豬腸粉，就系甜醬花生醬齋腸粉。埋單唔使200，掋食。

同親2老食飯通常都係酒樓，所以就揀左屋企附近嘅稻香，同朋友食就打邊爐，同家人就梗係叫返小菜啦。睇返相先知我地嗌得咁癲狂🤣，叫左好多餸。沙薑雞入味又嫩滑，送飯一流呀。啲菜好新鮮，配埋雜菇感覺好清新。沙薑豬腳麻麻哋，煮得唔太入味。豬腳上面仲有多毛，見到都唔開胃。大蝦伊麵，啲蝦應該係雪藏嘅，冇乜鮮味。伊面亦都煮得好淡，好後悔無嗌芝士龍蝦伊麵。沙嗲金菇牛肉煲，沙嗲味濃，而且好多牛肉，份量好足。如果可以少啲芽菜多啲金菇或者粉絲就更加好啦。龍躉煮兩味，炒菜玉瓜。魚雖然用炒嘅方法，但係依然好滑。另一個方法味道濃啲，但係都唔錯。好後悔嗌左呢2個甜品，好難食！

平時去飲茶大多都是這間就實在太方便，但食品質素講真普通，今日來到好快有位坐，今次叫了四個點心和朋友一齊食，但我地由頭叫到尾都同二個人講要辣椒油都冇人理就差啲。食品來到啦，雞扎，同平時的比較細舊，味道偏淡而且都幾油身，雞實在太細件了，只有芋頭保持到大小。這個油炸鬼腸粉勁失望，油炸鬼好淋身，應該整好不停整熱所以沐晒，腸粉皮可以都滑但偏厚少少。朋友喜歡的煎雙椒就保持到水準但都是比較凍身，最後叫了個包點奶皇包，包皮不錯軟熟夠熱，但入面奶皇好甜。茶茗要了鐵觀音味道都可以但好快冇味，座位都舒服，價錢都合理吾貴。

屯門建生邨稻香係幾抵食嘅，比起屯門市中心嗰間性價比高好多，平時去開係星期日 飲午市，佢有一個午市套餐128 ，個套餐選擇有：一個飯再加三個點心，而且點心質素亦都好唔錯 另外如果閒日去重抵，128有一個飯跟五個點心

今次家人舉行生日飯宴 比較傳統 所以選擇用中菜 今次去左屯門稻香酒家 我地訂左半圍 龍蝦宴套餐 夜晚舉行 入到去酒樓環境寬敞 頭盤有乳豬 比較多肥肉 同脆皮之後上花姿蘭花蚌 黃金海鮮卷 都正常主菜到了 龍蝦伊麵 一圍用三隻蝦蝦 但半圍都有二隻龍蝦 每人半隻 已預先碎殼 而且肉厚 抵食之後到石斑魚 雖然半圍 但預一圍份量 夠大條 鵝拳鮑魚 鮑魚大小適中 一般酒店會用鮑片代替 今次選用全隻鮑魚 之後有燉湯 糯米飯最後生日飯 當然有蓮蓉壽包 大小適中 包酒水 都抵食

今日係daddy生日所以尼食下午茶 叫左蝦餃燒賣叉燒包呢啲普通點心 最可以推介既就係$6.8芝麻糊同埋川汁炒手 雖然望落好紅 好似好辣咁 其實一啲都唔辣 係有啲麻油香味 平靚正