六六六六火鍋

营业中

休息中

终于感觉到冻冻嘅冬天感觉，虽然打边炉系四季都有，但冬天食真系特别开胃㗎(ᕑᗢᓫ∗)˒天后呢开火锅店店舖宽敞坐得舒服，睇睇个menu原来除咗火锅佢仲有羊腩煲同盆菜拣，满足哂唔同人嘅口味😍火锅汤底有好多种，台式港式川味嘅都有，今次我就拣咗酸菜白肉呢个系我嘅最爱汤底之一，佢哋调味酸甜适中，一开始都饮番几啖汤暖吓身暖吓胃仔，火锅配料我拣咗白鳝片，手切牛肉，午餐肉，炸鱼皮，云呑呢啲，白鳝片双飞厚度好靓仔，落锅灼一灼就食得，入口爽脆鲜甜。手切牛肉啦㖞颜色bling bling够哂新鲜牛味浓👍想爆加分俾个炸鱼皮，师傅自己处理自己炸，每块都大大块脆口咸香，落去火锅轻轻渌吓入口真系恰到好处。