影片
更多
2019-12-22
541 浏览
一握入魂鮨生贤，又出䢂见到门口已经好有日本职人嘅气场，格调够哂高雅，同时亦感受到其服务质素之高，由加茶时机礼貌嘅谈吐再到每道食物嘅来历同特质嘅讲解，就有如置身日本一样一就坐师传就即切即上自家腌制嘅柚子萝卜同春姜，作开胃同进食间场清味蕾之用，全餐寿司十五贯再加出汁同甜品，寿司分三set上枱第一set由粒贝开始，俗称海螺，口感清新爽脆；紧接真鲷肉质嫩滑，油脂感同鲜甜鱼香并重；平政鱼就油脂感再重啲，感觉好似食紧拖罗咁好肥美；最后一件左口鱼直情响上面再放多一件经火炙过嘅半熟鱼肉，既食到生生嘅鲜味同时又食到经火烧迫出嘅油香味嚟到第二set依然以白身鱼为主，鲈鱼弹性够高；手钓池鱼肉质超嫩滑，深海池鱼就鱼味同肉感都较重；赤贝系当日新鲜即㓥而非隔夜所以肉身都好湿润；牡丹虾则响一众白身鱼形成与别不同之感；最后小肌则以师传自家传统配方腌制，其醋香加上鱼鲜味贯穿整件寿司，同时保持滑溜，非常不得了嚟到最后一set开始出现赤身鱼，先嚟筋子，比坊间嘅冇咁咸，同时加咗唔少黄柚子皮碎落去，令成件筋子变得好清甜，摆脱咗重口味嘅一贯印象；而浪人池鱼则系比前一盘果两件再高一个档次嘅品种，同时有著手钓池鱼嘅口感亦有深海池鱼嘅
一就坐师传就即切即上自家腌制嘅柚子萝卜同春姜，作开胃同进食间场清味蕾之用，全餐寿司十五贯再加出汁同甜品，寿司分三set上枱
第一set由粒贝开始，俗称海螺，口感清新爽脆；紧接真鲷肉质嫩滑，油脂感同鲜甜鱼香并重；平政鱼就油脂感再重啲，感觉好似食紧拖罗咁好肥美；最后一件左口鱼直情响上面再放多一件经火炙过嘅半熟鱼肉，既食到生生嘅鲜味同时又食到经火烧迫出嘅油香味
嚟到第二set依然以白身鱼为主，鲈鱼弹性够高；手钓池鱼肉质超嫩滑，深海池鱼就鱼味同肉感都较重；赤贝系当日新鲜即㓥而非隔夜所以肉身都好湿润；牡丹虾则响一众白身鱼形成与别不同之感；最后小肌则以师传自家传统配方腌制，其醋香加上鱼鲜味贯穿整件寿司，同时保持滑溜，非常不得了
嚟到最后一set开始出现赤身鱼，先嚟筋子，比坊间嘅冇咁咸，同时加咗唔少黄柚子皮碎落去，令成件筋子变得好清甜，摆脱咗重口味嘅一贯印象；而浪人池鱼则系比前一盘果两件再高一个档次嘅品种，同时有著手钓池鱼嘅口感亦有深海池鱼嘅鲜香；跟住到港人至爱嘅大拖罗，由入口之际其油脂已𣊬间溶落寿司饭里面，简直系油脂大爆发
可能你会觉得点解食埋拖罗到最后先食返赤身，其实作并非普通赤身，而系经过江户前酱油渍做法处理过，除咗酱油渍嘅香味之外仲多咗阵风干嘅香气，再加上作地嘅吞拿鱼都系熟成过其鱼香更加浓郁，系食过最出色嘅一贯寿司
到最后以杯上嘅北海道马粪海胆寿司，食起嚟个质感同鲜度就好似去咗日本鱼市场即开即食果种感觉，唔再系鼻涕而系真系有质感果种
到最后饮埋个连埋头先牡丹虾个虾头一齐嘅蚬汤，仲有自家制嘅红豆mochi同红豆绿茶奶冻，mochi会皮整得比坊间更为烟韧，而奶冻则超重绿茶香
成晚一路食一路听店员嘅讲解，除咗食咗餐盛宴之外仲好似上咗一堂日本鱼鸡精班咁；而成餐入面最钟意系小肌同酱油渍刺身，呢两款其实都系唔只食鱼嘅鲜味，仲食埋师传嘅腌渍功力，其实佢地唔只揸切嘢咁简单，背后仲有好多好多功架嘢累积先成就出嚟，绝对值得用心体验嘅一餐
张贴
