婆婆珈琲屋

营业中

休息中

早几日打电话预约寻晚6点，隔咗阵就收到确认短信。前日再收到短信以确认出席。寻日准时到达，店员安排入座。成餐饭都无乜嘢。直到7点，有店员拎张单嚟叫我哋check check，无问题可以一阵出去比钱。当时我哋仲食紧个芭菲最尾1/3。咁我哋咪继续食啰。过咗10分钟左右，店员就拎个卡机嚟话要埋单，咁我哋咪比钱继续食啦。点知另一位店员就问可唔可以收嘢，客人已经嚟咗。我哋表示唔知有限时。店员话一般周末都系80-90分钟左右，闲日可以耐啲。当时我哋无谂咁多，立刻着衫拎嘢走。离开餐厅之后谂谂吓越谂越嬲！无论打电话预约、两个短信、确认出席网页定入座时候，都无提及用餐有限时。而且当时店员话客人嚟咗嘅时候，我哋嘅用餐时间都未够80分钟！仲食紧就俾人催促离开，体验十分恶劣。之前食过觉得几好，所以带妈咪嚟，但得到一个咁嘅体验，无下次啦。