亞參雞飯 (已搬遷) 新店位置

环境舒适，味道失色，职员服务吓到我无面无血色（青晒），啲职员个个都死气沈沈，郁都唔想郁，系个男职员正常返少少，𠮶几个阿姐，我得罪咗你咩，我哋坐低时你又唔提我哋扫Qcode落单，行多几步埋嚟我哋张枱讲唔得，个送餐机械人勤力过你，入门口扫针咭部机hang机，话比你知，你就系咁系柜枱叫我哋放低啲放低啲。海南鸡饭套餐$90，鸡的确系好滑，但酱汁无咩味，个汤好油。肉骨茶套餐$86，有两嚿骨，一字排骨，好腍，有几块豆卜，胡椒味好劲，汤好浓，好抢口，涸喉，唔好饮，唔香，呢个餐男人实食唔饱。马拉盏炒通菜$38，就咁系普通清炒，一啲马来风味都无。