影片
更多
2016-03-03
335 浏览
今日又黎食晏，我地几个同事系门口见到餐牌有新野同款式多左两款所以就决定系道食顺便试下野食水准有无好左！点知... 餐汤：见到意黄青瓜汤大家都无系餐厅见过或饮过所以无人敢试，饮品叫左蜂蜜柠茶黎左柠檬柚子茶，水果茶叫左一冻一热就黎左两杯冻，同Waitress讲黎错饮品，点知 短发Waitress 既对答系：我落单时已经覆过你地嫁㖞你地无人应而家话出错野饮！？系咪你地落错单啊！我无出错野饮㖞！我地成台即刻静左！！ 我地都算啦唔追究黎错野饮都唔系太大问题，但系对答态度好有问题！我见到我点既水果茶同之前唔同左之前既水果茶系有水果块有橙同苹果，但而家变左只有超细粒同好小既青苹果粒，饮落味道都无左水果香味，同事话系啊,呢度野饮既水准都下降左好耐，唔系女仔水吧转左男仔水吧之后咖啡同饮品都差左！野食黎到都系比之前等既时间耐左，刚才既 Waitress黑面送餐过黎讲完咩野食放底便走我地要自己攞反自己碟食物！ 同同事倾计问佢地有无试过呢度既晚餐同事话试过三次第一次系刚开始有晚餐，意粉同意大利饭都好有水准最好食系羊架肉质香嫩配菜亦好好味有质素摆碟有心思，恐龙虾意大利饭最印象深刻，恐龙虾汁意大利饭好香浓既
餐汤：见到意黄青瓜汤大家都无系餐厅见过或饮过所以无人敢试，饮品叫左蜂蜜柠茶黎左柠檬柚子茶，水果茶叫左一冻一热就黎左两杯冻，同Waitress讲黎错饮品，点知 短发Waitress 既对答系：我落单时已经覆过你地嫁㖞你地无人应而家话出错野饮！？系咪你地落错单啊！我无出错野饮㖞！我地成台即刻静左！！
我地都算啦唔追究黎错野饮都唔系太大问题，但系对答态度好有问题！我见到我点既水果茶同之前唔同左之前既水果茶系有水果块有橙同苹果，但而家变左只有超细粒同好小既青苹果粒，饮落味道都无左水果香味，同事话系啊,呢度野饮既水准都下降左好耐，唔系女仔水吧转左男仔水吧之后咖啡同饮品都差左！野食黎到都系比之前等既时间耐左，刚才既 Waitress黑面送餐过黎讲完咩野食放底便走我地要自己攞反自己碟食物！
同同事倾计问佢地有无试过呢度既晚餐同事话试过三次第一次系刚开始有晚餐，意粉同意大利饭都好有水准最好食系羊架肉质香嫩配菜亦好好味有质素摆碟有心思，恐龙虾意大利饭最印象深刻，恐龙虾汁意大利饭好香浓既龙虾鲜味卖相好靓味道有水准食得出用心烹调，但同事话上个月当晚餐加左有龙虾汤同头盘后再去食过两次水准就差左好多龙虾汤饮唔出龙虾味反而好似有点怪味，头盘吞拿鱼系冰既，同店员讲要求换过，但换左食落食得出系用微波炉叮过 牛扒无肉汁亦唔似系安格斯牛，食落无肉汁无肉味中间仲系冰冻
小左配菜只有薯蓉同小小沙律菜，薯蓉亦做得唔滑同好食落好大雪柜味，龙虾意大利饭无左香浓鲜既龙虾汁味，最近两次食晚市觉得差左好多....
讲反我地既午餐地几个食左几啖开始有同事对野食有意见，宝云苏羊架无羊味肉韧好明显over cook 而芥末味太重，宝云苏亦无应有香味而同之前一样意大利饭太硬同暖既！
烩牛肋条饭配红酒汁， 红酒汁无红酒味亦唔够香浓，比出面食既差同唔系红酒汁既唔同水又系成碟唔热暖既！
辣青口意粉，青口韧肉细无味意粉系好多都痴埋一旧唔系一条条，味似Tabasco加茄汁无香味同辣味亦唔够热！
吉列鱼柳汉堡，吉列鱼柳硬而唔系脆，鱼肉鞋似炸完翻炸，汉堡包唔热亦唔脆中间冻既，薯条都系似翻炸硬而唔脆同暖！
商业区既客人其实日日反工食午餐只局限公司付近，做得餐厅都系做我地呢D返工客，其实价钱唔平但食物水准就一次比一次差，食物份量又小左，两三次都系等得耐，食物唔热同水准都系咁差就唔会再食， 而且请刚出社会工作年轻人居多时，餐厅系咪要教导Waitress应有态度，客人黎付费食饭唔系俾钱受气，咁既服务令人反感 ，系附近返工咁耐都未试过食肆餐厅系咁既服务，最后埋单时我地都不愉快地离开，同事去洗手间仲要见到大只小强...
张贴