PaPa Kitchen (已結業)

去star hall 睇concert，要去附近揾食，想起呢間餐廳。整間餐廳都係落地大玻璃，一眼見哂，似長廊陳列室，晚上配上柔和的黃燈，頗特出。餐廳特別在我過去多次喺晚間經過，每次餐廳內都無客，係一個客都無！但又咁耐都未關門，令我感到好奇，今次終於揾到機會一試。一般倒模西餐的餐牌，揀左好耐都揀唔到食乜，食完之後結論係唔使點揀，因為水準實在欠佳。莫非真係能夠靠午市單天保至尊？雖然明知中伏機會大，但我好感謝朋友肯陪我來滿足我的好奇心。(就似鬼片的主角，明知去鬼屋好大機會遇到鬼，但都要去睇，我就明知好大機會中伏，但都要去試，有病！)

本人今午兩點左右入內點餐，女侍應亦清楚確應，甚至詢問本人是要餐湯還是餐飲，亦告知本人是日餐湯是甚麼，亦即證明侍應清楚明白點餐細節，但，本人在乾等半小時後甚麼都沒有的情況下提出詢問，回應竟然是沒有找到點餐的落單，至兩點半除本人外當時仍有兩檯食客正在用餐，是侍應故意漏單免阻礙自己食飯？還是兩點後拒絕再提供服務所以故意浪費客人僅有的一小時午飯時間呢？Anyway, this restaurant should be blacklisted!

有點不吐不快! 3人今天去這家餐廳點了 Holiday Menu, 2個雞扒漢堡 和1個魷魚墨汁意粉!先說餐湯, 明明說是龍蝦海鮮湯,但是完全沒有龍蝦味, 而且湯是很淡味, 要加很多鹽才可飲用!其實不如就稱呼為海鮮湯可以嗎? 為什麼強行加 "龍蝦"2個字去誤導人呢?先說魷魚墨汁意粉, 沒有影相, 當時覺得賣相是OK的。怎料又是完全沒味道, 相信只是加了墨汁去煮, 而沒有任何調味!雞扒雞扒漢堡.... 簡直是完全不行, 賣相OK, 不過實在很大份量!包的的雞扒, 完全分不到是什麼烹調分法, 是煎的? 炆熟的? 還是白烚的?雞扒很"鞋", 很硬, 而且沒味道! 相信不會再幫襯了, 實在太差!

九龍灣商業區食肆眾多，但午飯時間有限，通常都是幫襯連鎖店，貪其上菜快捷。年近歲晚，和友好同事團年，特意提早出門去距離公司較遠的西餐廳，一來試新，二來也想來一個 see & be seen 的 hea lunch。同事點了墨汁海鮮意大利飯 ($90)，賣相精美，份量適中，(同事說) 味道不俗，al dente。我點了炸魚柳漢堡伴薯條 ($90)，看見一個比手掌還大的 bun 中夾有番茄和一大塊沾滿千島醬的魚柳時，真有點擔心能否吃完魚柳質素頗高，外層薄，內裡的魚肉炸得剛好，很嫩滑。麵包一般水準。值得一提薯條，炸得夠乾身，也沒有放過多鹽，可見店家有用心製作。午餐包湯或standard drink，同事加了$20轉 Latte，附送拉花，味道如何就不知道了。值得再來。

今晚的九龍灣特別凍，我公司附近大部分的餐廳都不會營業，就在我公司樓下的這家PaPa Kitchen，照耀了半條宏光道，於是我就入去享用晚餐。由於今晚又係我自己一個晚飯，加上晚上此餐廳都很靜局，我就真真正正感受到寧靜的感覺。這支水，加上聖誕裝飾的背景，真係好有氣氛。以前來過此餐廳感覺一般，與今晚的食物相比之下，我覺得真係進步左。意粉上的素菜，如果可以新鮮一D，呢個餐就近乎完美了。這個意粉有很香濃的黑松露味道，面質也控制得不錯，軟硬適中，大家不妨一試。

這個冷冷夜，在公司附近獨自享用一個晚餐。來到這家PaPa Kitchen，這邊的九龍灣區夜晚一般都冷冷凊清，很不容易找到坐得舒適的餐廳。點了一個黑松露蘑菇意粉；賣相很好，也散發著香濃的黑松露味道。可是那些菜好像不太新鮮，看上去很乾。 意粉稍微熟了，有點可惜，有待改善。

今天午餐,  找間餐廳吃飯輕鬆下.   選了公司附近頗新的餐廳,  PaPa Kitchen,  外觀不錯, 大大個玻璃窗, 內裡座位整齊,  吊燈裝修不錯,  牆上掛有西洋畫.對外座位很開揚,  感覺舒適.入門後, 侍應很快安排座位及送來餐牌. 價錢合理, Set Lunch 有多款選擇:  價錢 $80 ~95- , 我們兩個人, 大家齊点 Set Lunch, 可配餐湯或選用普通飲品.  (特別飲品加 $15-)飲品另有單張.我們点了:1) All day Breakfast斑尼迪蛋, 厚多士, 茄汁豆, 炒什菌, 煙肉, 火腿, 紐倫堡腸, 菜沙律炒蛋好滑, 炒雜菌不油膩, 厚多士烘得脆, 煙肉, 火腿, 煎得不乾, 茄汁豆一般水準, 有 紐倫堡腸肉質味道也好.烤蕃茄, 好新鮮!   材料樣樣齊, 份量也很平均!  一個頗好的食品.2) 茄汁青口意大利飯意大利飯有傳统的咬口,  茄汁不太酸, 青口大大隻好肉, 入口質感不錯.  份量適中, 擺碟賣相好靚.特別飲品加 $15: 我選了:  泡沫咖 啡 Cappcino一般品質.朋友選了: 朱古力咖 啡  Moca以九龍灣工厦區的餐

lunch時間同同事去食，叫左個芝士焗好多種唔同腸的飯，首先西湯同餐飲二揀一都灰灰地 西湯來到（周打海鮮湯），望落去杰過芝麻糊，飲落去係好足料，但真係杰到 hihi，好似固體食物咁 只於個焗飯，味道唔算太差，但拎啲腸走去咁樣焗好似晒左啲腸味，可能煎左佢仲好。份量其實好細，但因為多芝士所以漏漏地，食完有啲滯成八十幾蚊真係有啲貴，大*樂啲焗飯性價比會高啲

2015年4月10日好餐廳愈來愈難求大概好多商場食來食去都係果幾間見得到有新開就要快快快去試下位於九龍灣呢間papa kitchen,新到連openrice都未有華麗既裝修，睇落好似好貴咁其實一D都唔貴小店一間，但有齊早，午同下午茶落地大玻璃令人有舒服既感覺最好嘆下午茶！我地試左呢個ribs 好多汁又好味值得再一試沙律菜加上意粉，惹味得來又健康！下次一定要試下下午茶！地址： 九龍灣億京中心地下

因為黎九龍灣約客食飯，所以想搵間環境好d既餐廳，途經papa被佢既裝修吸引，諗住試下，十二點唔駛等就有位其實佢既裝修都特別，有一排枱係面向街，全落地玻璃，好開揚，地方都幾新淨，所以都算乾淨meun 好簡單，得7，8款午餐，但唔算好貴，因為有飲品送，冇加一，貴茶餐廳少少，有咁既環境算抵食，我點左牛肋條飯配紅酒汁，質素ok, 個汁都幾好味，牛肉幾淋，另外叫左杯咖啡，咖啡面有拉花，幾有心思 同個客坐到差唔多2點幾先走，臨走問侍應拎左張卡片，原來呢度有晚市，價錢都係一百幾廿蚊，等我下次帶埋老公仔仔過黎試下，好過食黎食去都係大集團嘛

今日又黎食晏，我地幾個同事係門口見到餐牌有新野同款式多左兩款所以就決定係道食順便試下野食水準有無好左！點知...  餐湯：見到意黃青瓜湯大家都無係餐廳見過或飲過所以無人敢試，飲品叫左蜂蜜檸茶黎左檸檬柚子茶，水果茶叫左一凍一熱就黎左兩杯凍，同Waitress講黎錯飲品，點知 短髮Waitress 既對答係：我落單時已經覆過你地嫁喎你地無人應而家話出錯野飲！？係咪你地落錯單啊！我無出錯野飲喎！我地成檯即刻靜左！！  我地都算啦唔追究黎錯野飲都唔係太大問題，但係對答態度好有問題！我見到我點既水果茶同之前唔同左之前既水果茶係有水果塊有橙同蘋果，但而家變左只有超細粒同好小既青蘋果粒，飲落味道都無左水果香味，同事話係啊,呢度野飲既水準都下降左好耐，唔係女仔水吧轉左男仔水吧之後咖啡同飲品都差左！野食黎到都係比之前等既時間耐左，剛才既 Waitress面帶不滿送餐過黎講完咩野食放底便走我地要自己攞反自己碟食物！  同同事傾計問佢地有無試過呢度既晚餐同事話試過三次第一次係剛開始有晚餐，意粉同意大利飯都好有水準最好食係羊架肉質香嫩配菜亦好好味有質素，龍蝦意大利飯最印象深刻，龍蝦汁意大利飯好香濃既龍蝦

今日又黎食晏，我地幾個同事係門口見到餐牌有新野同款式多左兩款所以就決定係道食順便試下野食水準有無好左！點知... 餐湯：見到意黃青瓜湯大家都無係餐廳見過或飲過所以無人敢試，飲品叫左蜂蜜檸茶黎左檸檬柚子茶，水果茶叫左一凍一熱就黎左兩杯凍，同Waitress講黎錯飲品，點知 短髮Waitress 既對答係：我落單時已經覆過你地嫁喎你地無人應而家話出錯野飲！？係咪你地落錯單啊！我無出錯野飲喎！我地成檯即刻靜左！！ 我地都算啦唔追究黎錯野飲都唔係太大問題，但係對答態度好有問題！我見到我點既水果茶同之前唔同左之前既水果茶係有水果塊有橙同蘋果，但而家變左只有超細粒同好小既青蘋果粒，飲落味道都無左水果香味，同事話係啊,呢度野飲既水準都下降左好耐，唔係女仔水吧轉左男仔水吧之後咖啡同飲品都差左！野食黎到都係比之前等既時間耐左，剛才既 Waitress黑面送餐過黎講完咩野食放底便走我地要自己攞反自己碟食物！ 同同事傾計問佢地有無試過呢度既晚餐同事話試過三次第一次係剛開始有晚餐，意粉同意大利飯都好有水準最好食係羊架肉質香嫩配菜亦好好味有質素擺碟有心思，恐龍蝦意大利飯最印象深刻，恐龍蝦汁意大利飯好香濃既

去完澳洲既總公司做野3個月，終於返反黎香港既公司同同事又可以一齊開心工作呢間餐廳係公司附近，所以由佢開店我地同事就多左個飯堂，因為裝修有空間感之前黎食好多次都覺得呢度既食物水準係附近既食肆算係好味既兩三間，同埋會一，兩個星期就會有特別驚喜，試過很好多出面餐廳午餐小有既食物，澳洲鮑魚意大利飯，同用蛋白包住海鮮賣相特別既意大利反，芥末籽新薯煙肉意粉，清酒大蜆意粉，而食物水準高所以覺得抵食！但今次就真係好失望今日黎到好好彩唔洗等位因為之前好多時都要等位，我地坐底睇menu見到，有我地食過好好味既豬肋排不今次唔係配薯菜係配飯，同牛肩露筍卷牛肝菌意大利飯仲有新既青醬忌廉龍脷柳飯，落左餐一段時間都未有野食到見到多人等緊食物但比起之前黎食時間等耐左...同同事一路等一路食佢地話而家都小左黎食飯因為之前其中一個同事介紹朋友話呢間餐廳好食，但佢朋友黎食既時候出現左不愉快事，食食下意粉有異物介損左口腔流血原來係意粉道有一塊好細既，好似餐碟碎片我聽完覺得好恐怖， 唔怪得佢地無人點意粉， 傾左都十幾分鐘野食終於到，見，但今次既野食無之前黎食既賣相咁靚！沙律菜見到唔新鮮同散晒咁係食物上面無之前擺得咁仔細，我個牛

係九龍灣約左客傾完生意諗住同客食飯搵間舒服D既餐廳，見呢間餐廳裝修唔錯幾有格調同見lunch set既價錢都80至90一個,質素應該唔會差得去邊，就同客同埋同事入去食，坐低落左餐已經開始有問題，水杯有殘留唇膏印心諗唔係去左茶餐廳？咁既格調餐廳竟然有咁大既問題出現，檯面既水樽仲要有雜質，我地幾個即刻想走去其他餐廳，但都叫左野食就算啦,可能係洗碗員工洗得唔清潔，同埋唔想咁難睇落左單又取消走人始終又有客人係度，咁有飲品同湯都可以唔飲水，湯同野飲都黎左，首先同事同客飲個周打海鮮湯唔夠杰身同無海鮮味，湯既材料只有一湯羹竟然係茶餐廳既餐湯質素...餐湯都咁已經覺得野食都唔會有咩好食...飲品凍檸茶完全飲落係有茶色同檸檬味既唔知咩野，完全唔係凍檸茶味，到野食黎到意大利飯份量小，鴨胸過熟意大利飯係唔熟咬落粉既而唔係煙韌，同埋黑松露味完全唔夾鴨胸，煙三文魚意粉既三文魚有異未同食落亦唔係平時煙三文魚既口感，牛扒飯既牛扒唔係食西餐牛扒既質素無肉味同好似無醃過就咁整熟仲要有黑色燶既，汁既味道唔可以話難食只可以話入到口成碟飯仲差過茶餐廳，最大問題係幾樣野食都係暖而唔係熱既，牛扒飯既飯仲要係微溫，其實咁既價錢完全

話說公司附近有一新開餐廳，我跟同事就相約一試「papa kitchen」。有充分利用高樓底的優勢，餐廳在裝修下重本，利用大量鎢絲燈，空間感大增，感覺很外國feel的cafe耶！我跟同事各點了一個set lunch，香草青醬雞絲意大利麵及露筍雞扒牛肝菌意大利飯。 先講香草青醬雞絲意大利麵，味道簡單，偏向清淡，不重味，只是olive oil多了點，意粉不錯！入味有彈性，意粉份量不算多，男生應該不夠飽。另外，露筍雞扒牛肝菌意大利飯就重味得多，每粒飯都充滿著濃濃的醬汁，而且用上大粒珍珠米，有咬口！份量挺大，超有飽肚感呢！適合男生，又或沒有吃早餐的上班族。Set Lunch要$75價錢，在九龍灣工業區確實是大膽了！主打cafe型式的餐廳，set lunch包湯和法包才合理吧！不過，長遠來說都要降價及增加食物款色呢！露筍雞扒牛肝菌意大利飯。香草青醬雞絲意大利麵。店名：PaPa Kitchen地址：九龍灣宏光道1號億京中心地下2號舖