和牛割烹小田

营业中

休息中

之前老公生日，谂住要去食啲好嘢，话晒平日都系食啲家常野，朋友介绍咗间日本餐馆有fine dining，就带老公嚟呢度食。入面嘅氛围好唔错。第一道系日式浓汤，上菜方式好可爱，细细一杯好似饮茶咁🍵不过味道好正，好浓郁嘅汤，好饮。再嚟就系炭烧茄子🍆鱼卵拌鱿鱼配青瓜同西京味噌秋葵。好特别，好香，有清凉，搭埋食有好丰富嘅味道同口感。下一道系和牛同佢哋嘅日本蛋🥚配埋食真系一流，牛肉好有咬劲，而且味道好足。入面仲有啲配菜，蘑菇处理得好靓，又新鲜💦再嚟就系酱油虾海胆和牛他他饭，系几种料参埋一齐。我系攞旁边嘅紫菜嚟包住食。紫菜脆脆，入面嘅料嫩嫩，味道十分正，好好食。接住嚟系和牛汉堡，有好香嘅芝士味，加埋番茄肉酱，一啖咬落去，超美味。佢哋嘅炭烧牛肉都好唔错，散发住浓郁嘅香气，煮得好有层次感，口感好佳。最后系饭入面有和牛、蘑菇等，仲有一碗汤。好香，有住牛肉味加埋软嫩嘅蘑菇，同饭一齐食，一啖落去，后面饮埋佢哋嘅汤，美味！系个唔错嘅omakase体验，食得好舒服。