湘川滬 (+WOO嘉湖二期)

营业中

休息中

一班亲友聚会，当中有长辈，所以拣左中菜馆 。店舖名已经讲明入面有川（四川）沪（上海）湘（湖南），一间食店有齐3个地方菜色，一次满足晒3个愿望。镇江肴肉$58光滑晶莹，卤冻透明。瘦肉香、肥肉唔腻，分布得啱啱好。配埋香醋，有另一番风味。上海醉猪手 $60出街食猪手最怕去毛去得唔干净。呢度就处理得好好。肉质Q弹唔会韧。食时再点下汁就更有花雕酒味。夫妻肺片$55一道有名川菜，以牛内脏为主。香辣惹味，底下配青瓜，爽脆口感，中和麻辣感觉。土匪牛肉 $108无辣不欢嘅我地，见到一上枱有咁多辣椒就食指大动，牛肉肉质非常口感好淋，唔会好韧。