影片
更多
2017-08-09
1263 浏览
早几年前一班人食饭，总系拣放题、任饮任食边炉，近年食得精啲，有时宁愿俾多少少钱，好过次次「吃到饱」饱到上心口。呢间酒锅之前已经同男朋友食过，当时放左相片去社交平台，朋友见到大赞吸引，于是约我再同佢食。地点问题，我地今次食嘅系铜锣湾店，冇左佢最喜欢嘅露台位。餐厅位于铜锣湾 V Point，呢头多左好多食店，除左以往座阵嘅拉面店，仲有越南野、韩国炸鸡、粤菜、日本菜等，选择甚多，酒锅就喺27楼，我终于知点解大家话呢间分店都几好view~餐厅装潢别致，带点中国风，近门口嘅系色彩鲜艳嘅卡位，靠近里边有唔少细枱，而角落位置虽然唔系房间，但感觉都自成一角。想望到维港景色，坐近窗边，记得预约时问声呢，因为不论平日定假日，呢度都系咁受欢迎。如果walk in，真系唔肯定有冇位。虽然我地都预约左位置，但当日较full，未能坐近窗边，但都隐约可以望到窗外情况，由6pm入座，天仲光，食到8pm天都黑齐，夜景确实几靓，赏心悦目。隔离枱一坐低餐牌都未揭，就开始影相呢。餐牌选择丰富，走嘅系中上价位路线，单单系锅底都有好多款式，我估大部分人都系俾佢地嘅多格锅吸引而来，一个锅试到几款汤底，周围几枱都系点招牌汤底。配料选
餐厅装潢别致，带点中国风，近门口嘅系色彩鲜艳嘅卡位，靠近里边有唔少细枱，而角落位置虽然唔系房间，但感觉都自成一角。想望到维港景色，坐近窗边，记得预约时问声呢，因为不论平日定假日，呢度都系咁受欢迎。如果walk in，真系唔肯定有冇位。
虽然我地都预约左位置，但当日较full，未能坐近窗边，但都隐约可以望到窗外情况，由6pm入座，天仲光，食到8pm天都黑齐，夜景确实几靓，赏心悦目。隔离枱一坐低餐牌都未揭，就开始影相呢。
餐牌选择丰富，走嘅系中上价位路线，单单系锅底都有好多款式，我估大部分人都系俾佢地嘅多格锅吸引而来，一个锅试到几款汤底，周围几枱都系点招牌汤底。配料选择丰富，如果人多，我地就可以试多几款喇，有各款肉类、海鲜、刺身、小笼包、自家制饺、丸类、粉面、蔬菜等，仲有小食同小炒，花多眼乱，适合多人聚会。
至于我地食嘅仍然系呢个《酒锅十三道丰味，欢乐时光套餐》，人少少点套餐唔洗烦，包汤底、海鲜、牛、饺、丸、蔬菜、乌冬等，按人头收费，每位 $328，骤眼睇会以为得好少野，两次经验话我知，份量足够有余呢唯一要挑剔就系呢个套餐唔包括饮品，一系就单点；一系就加$40任饮红白酒、啤酒、汽水；加$60可包括清酒；或者好似我地咁饮冰水 (笑)。不过留意呢个餐系周一至周五：6pm-8:30pm前离座；或者周日至周四嘅10:30pm-1:00am供应。
小食头盘：炸鸡翼、鬼马油炸鬼、烧猪颈肉、炸紫苏酿墨鱼，四款小食都系新鲜炸起，热辣辣。猪颈肉嫩腍；油炸鬼炸得香脆呢，紫苏叶酿墨鱼几特别，墨鱼弹牙；炸鸡翼有别于尖沙咀店，分成一半，细细只，炸得有点过龙。整体中规中矩，只系略油。
四国丰味：汤底共有四款，分别系四川麻辣锅、肉骨茶锅、椰子鸡锅、青咖喱锅，一次过试到几款，除左椰子鸡锅外，其余三款都系浓味之选，啱哂我同重口味嘅朋友。全部锅底入面都有配料架，不过个人认为尖沙咀店足料啲。四川麻辣锅中有豆卜、芽菜、猪皮，好入味！椰子鸡锅中嘅鸡比较鞋口，但锅底清清地；肉骨茶锅冇乜味精感，朋友都几喜欢呢阵香浓药材味至于青咖喱就略咸，辣度高，但里面超足料，又有虾、又有蚬，其实几抵食
四国丰味
20 浏览
0 赞好
0 留言
四川麻辣锅
25 浏览
0 赞好
0 留言
椰子鸡锅
34 浏览
0 赞好
0 留言
肉骨茶锅
24 浏览
0 赞好
0 留言
青咖喱锅
20 浏览
0 赞好
0 留言
海虾、蕃薯蚬：好新鲜，只虾都俾刺穿都仲郁紧，蚬都系未死，虾够大只，肉质爽口弹牙，新鲜即是新鲜蚬肉大粒冇沙，仲带海水味
海虾、蕃薯蚬
24 浏览
0 赞好
0 留言
美国安格斯牛颈脊、日本黑毛猪腩肉：套餐黎计，牛、猪嘅质素都ok啦，牛肉肥脂均匀，比较薄身，轻轻渌就食得，牛味重；猪肉则较鞋口，但食落就唔会话太肥腻。
日本黑毛猪腩肉
22 浏览
0 赞好
0 留言
鲜虾水饺、菠菜皮韭菜饺、洋葱猪肉蛋饺：店方自家制饺类，size唔会好大粒，不过个人认为一般般。洋葱猪肉蛋饺颇特别，朋友就话几好食。
芝士手打虾丸、手打墨鱼丸：手打丸类亦系细细粒，以芝士虾丸比较好食，里面嘅芝士有少少演心效果，食落弹牙。
酒锅啤酒熊：相机食先一流，个样系几可爱，第一次食嘅朋友都忍唔住影番张相。但其实都系墨鱼丸嘅朋友，味道一般般。
鲜虾水饺、菠菜皮韭菜饺、洋葱猪肉蛋饺、芝士手打虾丸、手打墨鱼丸、酒锅啤酒熊
48 浏览
0 赞好
0 留言
酒锅啤酒熊：
26 浏览
0 赞好
0 留言
黑椒牛筋丸、台湾香菇贡丸、脆皮芝士肠：配料正正常常。
黑椒牛筋丸、台湾香菇贡丸、脆皮芝士肠
41 浏览
0 赞好
0 留言
即炸手工响铃卷：几脆口架。
即炸手工响铃卷
29 浏览
0 赞好
0 留言
稻庭乌冬、蔬菜拼盘、杂菌拼盘：乌冬成pat野咁，但其实好好食，吸收哂汤底嘅味道，而且几烟韧。蔬菜、杂菌拼盘嘅份量都挺多！
稻庭乌冬
40 浏览
0 赞好
0 留言
蔬菜、杂菌拼盘
20 浏览
0 赞好
0 留言
呢个餐足够两人食有余！餐厅环境不俗，有景观；我地入座时间早，店员服务都十分好，仲要主动提出帮我同朋友影相，认真细心，感谢啊！
张贴
