影片
更多
2024-03-23
513 浏览
同事话最近去咗北京玩识咗唔少好正嘅填鸭，可惜我冇得放假旅行周围走～，如果唔系我都好想去。为咗弥补冇得去旅行嘅可惜，今晚收工就捉咗朋友仔去陪我食返只烤鸭过下口瘾。～呢间烤鸭店系朋友推介嘅，地点几方便，距离尖沙咀地铁站行过嚟大概5分钟左右，几啱返工人士收工过嚟食。七点几嚟到已经差唔多全场爆晒，好彩仲剩返一张2人枱。～整体环境几舒服，见到好多一家大细都嚟食，加上佢哋有各式各样嘅套餐，人多会更加抵食。～至尊拼盘🍽 $208：见到佢哋餐牌有好多款小食，心郁郁款款都想试。所以就直接叫咗呢个拼盘，一个拼盘里面有香醋青瓜、麻酱鸡丝粉皮、水晶肴肉、四喜烤麸同醉鸡等。青瓜酸香解腻、肴肉紧实弹牙，烤麸就非常入味，醉鸡鸡件滑溜，鸡皮同埋鸡肉之间仲有一层上汤啫喱，最后鸡丝粉皮嘅重点就系浓滑麻酱，真心好香。～烤北京填鸭🦆（半只$218）：餐厅会首先比一口酥客人，其实就系只鸭酥酥脆嘅外皮，攞嚟点砂糖食，好似食紧零食咁，好得意。跟住随鸭送嘅酱料比坊间嘅北京填鸭多，最特别就系有哈密瓜同蜂蜜黄梅酱。蒸到热辣辣嘅面皮，包裹住去脂肪嘅嫩口填鸭，加入酱料后，入口甜甜咸咸，一咬下去油香满嘴，令人不能自拔。其实冇得去旅行，都唔系咁
～
呢间烤鸭店系朋友推介嘅，地点几方便，距离尖沙咀地铁站行过嚟大概5分钟左右，几啱返工人士收工过嚟食。七点几嚟到已经差唔多全场爆晒，好彩仲剩返一张2人枱。
～
整体环境几舒服，见到好多一家大细都嚟食，加上佢哋有各式各样嘅套餐，人多会更加抵食。
～
至尊拼盘🍽 $208：
见到佢哋餐牌有好多款小食，心郁郁款款都想试。所以就直接叫咗呢个拼盘，一个拼盘里面有香醋青瓜、麻酱鸡丝粉皮、水晶肴肉、四喜烤麸同醉鸡等。青瓜酸香解腻、肴肉紧实弹牙，烤麸就非常入味，醉鸡鸡件滑溜，鸡皮同埋鸡肉之间仲有一层上汤啫喱，最后鸡丝粉皮嘅重点就系浓滑麻酱，真心好香。
～
烤北京填鸭🦆（半只$218）：
餐厅会首先比一口酥客人，其实就系只鸭酥酥脆嘅外皮，攞嚟点砂糖食，好似食紧零食咁，好得意。跟住随鸭送嘅酱料比坊间嘅北京填鸭多，最特别就系有哈密瓜同蜂蜜黄梅酱。蒸到热辣辣嘅面皮，包裹住去脂肪嘅嫩口填鸭，加入酱料后，入口甜甜咸咸，一咬下去油香满嘴，令人不能自拔。其实冇得去旅行，都唔系咁大件事姐😆。
～
古琴雅苑 (太子集团中心) (尖沙咀)
尖沙咀北京道12A号太子集团中心15楼
张贴
