影片
更多
2024-09-24
550 浏览
今年生日，去咗炑庆祝。炑主打日式传统割烹，一个套餐既可以食到寿喜烧，又可以食天妇罗，啱晒钟意样样都试试嘅我！餐厅系木系装修，古典优雅，氛围舒适。入面全部都系吧台座位，可以近距离欣赏到师傅制作每一道料理嘅手艺。【前菜3品】北海道白粟米／静冈陈皮水果茄／石川县金丝瓜北海道白粟米好清甜，口感爽脆。金丝瓜切成丝，加咗一小片指天椒，清新之余又带少许辣劲，刺激味蕾。串茄新鲜香甜。【北海道濑尿虾蒸蛋】茶碗蒸好嫩滑，蛋香浓郁，濑尿虾口感弹牙，刨上柚子皮，更加带出鲜味。之后就系天妇罗环节啦！除咗有常见嘅天妇罗汁配萝卜蓉，仲有自家制梅萝卜蓉，梅味香浓，解腻一流！【天妇罗季节海鲜3品】天妇罗炸浆全部都好薄脆，轻盈唔油腻。北海道草虾外脆内弹牙，鲜味十足！虾头劲酥脆，加少少柚子盐更有提鲜效果。江之岛白鱼用紫苏叶包住再炸，口感丰富之余仲有淡淡紫苏叶独有嘅芳香。沙姜蚝脆卜卜嘅紫菜包住炸沙姜蚝，淋上姜蓉汁，外脆内软，多重口感。【日本野菜2品】爱知县无花果天妇罗好好食！炸得香脆，内里清甜，充满果香。熊本县赤茄子日本蔬果特别好食，味道好浓！然后就系【寿喜烧】环节啦！呢度供应十胜和牛，师傅好贴心咁安排我哋依次由西冷、肉眼、
餐厅系木系装修，古典优雅，氛围舒适。入面全部都系吧台座位，可以近距离欣赏到师傅制作每一道料理嘅手艺。
【前菜3品】北海道白粟米／静冈陈皮水果茄／石川县金丝瓜
北海道白粟米好清甜，口感爽脆。金丝瓜切成丝，加咗一小片指天椒，清新之余又带少许辣劲，刺激味蕾。串茄新鲜香甜。
【北海道濑尿虾蒸蛋】
茶碗蒸好嫩滑，蛋香浓郁，濑尿虾口感弹牙，刨上柚子皮，更加带出鲜味。
之后就系天妇罗环节啦！除咗有常见嘅天妇罗汁配萝卜蓉，仲有自家制梅萝卜蓉，梅味香浓，解腻一流！
【天妇罗季节海鲜3品】
天妇罗炸浆全部都好薄脆，轻盈唔油腻。
北海道草虾
外脆内弹牙，鲜味十足！虾头劲酥脆，加少少柚子盐更有提鲜效果。
江之岛白鱼
用紫苏叶包住再炸，口感丰富之余仲有淡淡紫苏叶独有嘅芳香。
沙姜蚝
脆卜卜嘅紫菜包住炸沙姜蚝，淋上姜蓉汁，外脆内软，多重口感。
【日本野菜2品】
爱知县无花果天妇罗
好好食！炸得香脆，内里清甜，充满果香。
熊本县赤茄子
日本蔬果特别好食，味道好浓！
然后就系【寿喜烧】环节啦！
呢度供应十胜和牛，师傅好贴心咁安排我哋依次由西冷、肉眼、肩肉，淡味到浓味咁品尝。我哋要3成熟，和牛油脂丰富，口感鲜嫩，入口即溶，系幸福嘅感觉！
另外仲有【日本野菜5品】－－绢豆腐、冬菇、甘笋花、淡路岛洋葱、葛粉丝。配搭牛骨熬制嘅寿喜烧汤底，浓郁惹味！
【北海道白米饭】
【大蚬清汤】
海鲜味浓
最后以软糯烟靱嘅【黑糖蕨饼】作结，太美好啦！
张贴
