班蘭葉印尼餐廳

营业中

休息中

晚市堂食算系叫开放左一排，不过都系最近先约番friend 放工后食好野～呢间印尼餐厅系openrice 人气似乎几高，又系正铜锣湾中心地段够晒就脚。佢门口贩卖住各样特色印尼小食，则跟小路而入，别有洞天～先叫d 串烧过下口瘾，佢d 羊肉本身已经一d 都唔酥，再搽上酱汁去烧，甜甜辣辣，再点埋另附既沙嗲酱，又多种花生既香气，令人流晒口水...第一次听"破鸡" 呢个名字，所以贪得意叫左个黄姜破鸡杂锦饭。哦原来都系烧鸡果类，只鸡充满香茅同姜黄粉既味道，系烧得稍为有d  干身。成碟饭摆盘几靓，配以炸豆腐，青瓜，蕃茄等多种蔬菜，果只辣酱超级辣的！仲试左个汤粉皮，都系d 唔常见既食物。滑滑既粉皮，浸系花胶汤入面，热热的连埋汤食一流。剪碎左既花胶如蛋花一般，再加埋似乎系虫草，应该十分养颜～呢个旧肉叫左烧牛仔骨，都系接近头先羊肉串既酱汁，但食落肉质又较为有咬口～饮品menu 琳瑯满目，附埋图好似样样都好想试咁... 朋友点左杯斑兰沙冰，同平时食开既斑兰蛋糕一样，都系果只青绿色的！我就试左咖啡味，巧靓呀～有cream 有车厘子同蛋卷，打咭一流又好饮。