影片
更多
2017-08-22
11997 浏览
唔驶讲好耐就两年前，一般有名气西式扒房给我的印象是：有舒适的进食环境，濶落的美式真皮卡座，较为精致的刀叉餐具......由订位至用餐当日餐厅已开业营运超过一个月，正常来说应该出品及服务也一切正常吧？七点正五人凖时来到，已奇怪点解摆枱会咁挤迫？完全櫈背贴櫈背。一坐低未见餐牌侍应已话Sirlion及Salmon卖哂！晚餐第一枱客都未做就卖晒？头盘Crab cake$158 x 3---啖啖肉但用叉一掂即散开。似将蟹肉放入模具压成一饼多过是真正搓成饼状。龙虾汤$138 x 2---正常无特别。蘑菇汤$108---浓味得来不太滑。Wolfgang's Salad$165---绝对把X!只不过将三色椒蕃茄烟肉切成粒状，加上调味又淡都唔知想点！来之前做定功课知道唔想瀬大嘢就千祈唔好叫Porterhouse.主菜Filet Mignon $580 x 3---唔明点解会将件牛扒预先解体切开一件件上碟？点睇呢个颜色都是Medium，外皮带点焦肉质油润牛味略淡。Rib Eye $880 x 2---外皮是更加焦且带㶶味,肉质软腍油份少、要靠台面支酸甜牛扒酱汁调味。Lamb Chop $530---算是最
由订位至用餐当日餐厅已开业营运超过一个月，正常来说应该出品及服务也一切正常吧？
七点正五人凖时来到，已奇怪点解摆枱会咁挤迫？完全櫈背贴櫈背。一坐低未见餐牌侍应已话Sirlion及Salmon卖哂！晚餐第一枱客都未做就卖晒？
头盘
Crab cake$158 x 3---啖啖肉但用叉一掂即散开。似将蟹肉放入模具压成一饼多过是真正搓成饼状。
龙虾汤$138 x 2---正常无特别。
蘑菇汤$108---浓味得来不太滑。
Wolfgang's Salad$165---绝对把X!只不过将三色椒蕃茄烟肉切成粒状，加上调味又淡都唔知想点！
来之前做定功课知道唔想瀬大嘢就千祈唔好叫Porterhouse.
主菜
Filet Mignon $580 x 3---唔明点解会将件牛扒预先解体切开一件件上碟？点睇呢个颜色都是Medium，外皮带点焦肉质油润牛味略淡。
Rib Eye $880 x 2---外皮是更加焦且带㶶味,肉质软腍油份少、要靠台面支酸甜牛扒酱汁调味。
Lamb Chop $530---算是最对办的一样！羊膻味适中肉质嫩滑多汁。（全部扒都系叫Medium Rare)
拌碟
Cottage Fries $92 ---炸得不油腻厚切薯片系好食嘅！
Onion Ring $85 ---完全唔掂！超厚粉浆炸完仲硬过我条命。
Lobster Mac n cheese$128---有几粒龙虾肉，芝士不太漏。
甜品
Apple Strudel,Key Lime Pie,
Hot Fudge Sundae,ice cream
四款甜品除了比正常吃到的更甜，全无特别可留下印象。
埋单五千九百几。
招牌菜Porterhouse人人试过都话系地雷。
杯碟刀叉用具的平民程度以为自己去咗金凤！
成晚环境仲嘈过酒楼中式婚宴新人敬酒果吓，争企个朱咪咪出嚟唱歌就以为去咗八十年代尖东翠丽华。
原来今天的扒房已沦落至此！
消费每位$1200这价位绝对有更好的选择。
3088 浏览
0 赞好
0 留言
张贴
