米気

营业中

休息中

黎到呢间米気，主打日式定食，可以自己选择米、主、冷、温、甜既配搭，组合自己既定食🤤礼拜六晏就黎到，冇想像中咁多人，排左几张枱就入得去。个人觉得呢间野食真系几高质同埋都几有特色，不过逐碟计钱，嗌下嗌下好容易就嗌到好贵🙈 1⃣️定食组合👉酱油蛋（$22）兰王蛋加白饭，呢个组合一定唔会输👍捞饭一流～  👉蕃茄味噌豆腐汉堡（$38） 上网见到有人话呢个伏，但系我又唔觉wor🤔豆腐汉堡好特别，入面混合左好多唔同既蔬菜、青红椒，感觉好健康，而且好似我咁本身唔系好食椒既都唔会觉得好难接受，仲有啲菇添😄出面既蕃茄味噌汁好好味，蕃茄味酸酸甜甜加上味噌提味，特别得黎又好味。仲有几片炸莲藕片食添🤩  👉关东煮（$28） 呢个系普通关东煮既味道，有萝卜、福袋、鱼饼同埋蒟蒻。萝卜鲜甜冇渣。福袋入面有软糯麻糬～汤底都系清甜既。   2⃣️定食组合 👉酱油蛋（$22）  👉月见博多地鸡团子（$48）卖相已经好吸引😍鸡肉系带啲软骨既口感，加埋蛋汁成个食落感觉几滑。好食！  👉金平牛蒡（$22） 想像得到既味道，都唔错。  👉渍物、味噌汤（$8）