影片
港铁黃埔站 B 出口, 步行约5分钟
继续阅读
电话号码
35431101
开饭介绍
餐厅采用简约的木系装潢，主打家庭风味的日式料理，由主菜、冷热配菜、饮品到甜品均可任意配搭，而米饭则用日本国产米制作。
继续阅读
营业时间
今日营业
12:00 - 22:00
星期一至日
12:00 - 22:00
公众假期
12:00 - 22:00
公众假期前夕
12:00 - 22:00
以上资料只供参考，请与餐厅确认详情
相关文章
黃埔「米気」— 日式風味午餐驚喜滿滿今日去咗黃埔嘅「米気」，試咗幾款精緻又充滿日式風味嘅菜式，感覺出品有誠意，用料新鮮，味道有驚喜🍳 醬油蛋飯簡單到極致，但味道好滿足！滑嫩嘅溫泉蛋，蛋黃輕輕拌入熱騰騰嘅白飯，配埋醬油嘅香氣，鹹香味均衡，飯粒吸收晒蛋汁同醬油，食起來好香濃又有層次，簡單但係令人回味無窮！ 🍚 明太子飯 & 醬油金菇明太子飯鹹香濃郁，明太子嘅粒粒鮮味喺口中爆開，加埋熱辣辣嘅白飯，絕配！而醬油金菇係小清新嘅一環，帶有微微嘅甜香，金菇嘅爽滑口感配埋飯，簡單又唔會膩，係一個好好嘅配搭！ 🍅 味噌蕃茄豆腐漢堡呢個漢堡扒真係有驚喜！豆腐漢堡入口鬆軟，帶有豆腐嘅香氣，味噌調味濃淡適中，仲夾埋鮮甜嘅蕃茄醬汁，酸酸甜甜非常開胃。呢款菜式清新又健康，特別啱想食得輕盈啲嘅朋友！ 🍢 茶碗蒸（放鰻魚塊）茶碗蒸滑溜得黎夠嫩，入口即化，蒸蛋嘅鮮味配埋鰻魚嘅濃郁油香，鹹甜平衡得非常好，係一道即使簡單但充滿心思嘅小食！ 🍳 明太子厚燒蛋厚燒蛋煎得火候啱啱好，蛋香濃郁，入口鬆軟帶少少甜味，再加上明太子嘅鹹香點綴，味道層次豐富。呢款菜式簡單但非常出色，絕對係明太子控嘅必點之選！ 🐟 鮭魚白雪山藥鮭魚新鮮，油脂豐富，配埋山藥絲嘅滑溜口感，食落清新又健康。山藥嘅淡淡甜味中和咗鮭魚嘅濃郁，呢道菜味道清爽，啱晒鍾意日式前菜嘅朋友！ 🥩 蒜蔥燒牛舌牛舌切得夠薄，燒到香氣十足，口感彈牙帶嚼勁，蒜蔥嘅香味滲透入牛舌，增添咗濃郁嘅風味。每一片都恰到好處，係一道唔會出錯嘅大熱菜式！
继续阅读
📍行過幾次都想試 聽落以為係啱飯桶 但原來係主打日式家庭料理 分為米/ 主/ 冷/ 溫/ 甜/ 飲 6大項料理 總共100款餐點 可以自己揀加幾多樣 好彈性!🌀 米- 明太子飯 & 醬油金菇明太子份量唔少 與米飯撈勻 鹹香惹味 注意有點辣🙈 以醬油煲煮過嘅金菇夠入味 帶點爽脆 又係拌飯好幫手🌀 主-🔅 月見博多地雞團子- 必點之選! 混入軟骨的雞肉打成肉餅形狀 配搭醬油及日本蛋 味道偏重口味 但調味要俾100分🫶🏼🔅柚子醬油煙鴨胸: 微烤煙鴨胸軟諗 味道清爽 但性價比偏低🔅味噌蕃茄豆腐漢堡: 是全素豆腐球😹 混合黃椒/青椒/豆腐/麵粉及麵包糠 口感好似麵包 蕃茄味唔算濃郁 🌀 冷- 鰹魚汁菠菜: 健康輕盈之選 菠菜口感爽脆🌀 溫-🔅關東煮: 蘿蔔清甜入味 福袋內藏煙靭年糕 又索滿湯汁 仲有蒟蒻+魚餅 單點配飯都好夠🔅茶碗蒸: 放上鰻魚塊 精緻度有加分🔅明太子厚燒蛋: 厚燒蛋太乾身唔滑 又少了甜甜的味道 略有不足 所有料理都用咗日本新鮮直送土產食材 食落同去沖繩旅行食嘅料理幾似😻 不過偏細份 男生可能會不夠吃🙈
继续阅读
米気絕對係我心目中最鍾意嘅日式飯堂之一，全部小菜同主食都可以自由配搭，小菜種類好多而且精緻，睇圖賣相已經好吸引～～我的～📌米：醬油蛋飯 $22📌主：味噌蕃茄豆腐漢堡 $38📌冷：松葉蟹薯仔沙律 $26📌溫：柚子醬油煎鴨胸 $38日本米配日本醬油蛋係絕對冇得輸，豆腐漢堡有蕃茄提味，酸酸哋好開胃，口感似食緊真漢堡，好送飯~鴨胸經油煎後會油膩啲，但因為柚子味好重，覆蓋咗鴨胸油膩感，所以食落好Fresh，薯仔沙律入面嘅松葉蟹份量都幾多，有驚喜～～朋友的～📌米：醬油蛋飯 $22📌主：月見博多地雞團 $48📌冷：八爪魚沙律 $26 + 南瓜沙律 $24朋友都係叫醬油蛋飯，係大家嘅 all time fav! 雞團口感軟熟加少少軟骨，食落有脆骨感，撈埋蛋黃就更加滑溜！值得一提係八爪魚沙律個汁好開胃，係會食唔停的感覺！📍米気紅磡黃埔天地百寶坊(第3期)地下G32號舖#香港 #紅磡 #黃埔 #米気
继续阅读
米氣既選擇好多，有選擇困難症嘅人千萬不要食這個餐廳，因為應該選半天都選不到想吃什麼。蟹膏蟹肉飯呢個飯既蟹膏蟹肉是咸咸的，下面有塊香葉，而且個表面有些wasabi。啲wasabi 撈埋啲蟹食好勁陣味😂，會食到哭出嚟。月見博多地雞團子個雞團子幾甜同個蛋幾夾，但要送飯食，剩食會太重味。鮭魚白雪山藥營養價值豐富，味道方面像薯蓉一樣，有種淡淡既味道。柚子醬油煎鴨胸呢個鴨胸好嫩，鴨肉好薄，肥瘦均勻，與柚子醬油味配合起來恰到好處，係最美味既小菜。米氣雪糕有米味既牛奶雪糕，雪糕都滑滑的。#米氣 #米氣雪糕 #紅磡 #黃埔 #蟹膏蟹肉飯 #月見博多地雞團子 #鮭魚白雪山藥 #柚子醬油煎鴨胸
继续阅读
教會boardgame前速食，呢間米氣bookmark咗皓耐，上次食咗隔離火夫，今次就食米氣。入座率3成，都有位，坐一人自私bar枱位，同隔離有隔板，有張點心紙tick完交俾職員，唔同種類揀一個都有幾萬種combination，最後我揀咗，漬物/味噌湯$8+明太子🤴飯$22+帆立貝裙邊海藻沙律🥗$26+月見博多地雞團子$48+北海道芝心粟米🌽球$36+蜜柑白玉$30（後上）。主菜一大個碟上，皓震撼，我唔食酸嘢，漬物剩係食咗牛蒡，味噌湯唔錯，明太子🤴送飯正，應該係日本🇯🇵米，好食，雞團子🍡麻麻，就算加咗蛋黃都冇加分，沙律🥗清爽，皓有咬感，唔酸，正，粟米🌽球唔脆，入面芝心一般。甜品🍮白玉成個笑哈哈😄咁，仲有透明啫喱同綠茶🍵啫喱，正👍🏻，臨走門口有人等位
继续阅读