妹記生滾粥品

营业中

休息中

今日黎左妹记食粥,平时都好少食,不过依到既粥都真系几吸引,今日叫左及第粥,佢个粥既粥底做得好绵, 米粒都煮到开哂,最紧要系够哂热辣辣, 在佢个及第粥就有有猪膶,肉丸,猪肠同埋猪心,食及第粥最好就系因为佢一定系生滚,一定系即叫即煮,因为个D料一煮得耐就老唔好食,佢个猪膶全部都系用黄沙膶,够哂薄煮既时间岩岩好令佢唔会太硬, 入口口感爽爽地,几正。肉丸方面就比较上细粒,不过肉质就够哂结实, 似系手打唔似黎货;因为佢个猪肉味非常香,仲有少少马碲粒令佢个口感爽口D,之后就系猪肠,食落无咩腥味,不过唔够粉,都算唔错既,最后就猪心,够哂薄身, 虽然口感偏硬,不过都唔错喇。虽然系到食粥系唔会有咩服务,不过真系有效率,够哂快,而且粥既水准绝对比你出面高,所以食落都系抵哂既。