蜀客 (已結業)

今日同朋友嚟咗蜀客食饭，地方好寛敞舒适，系放松倾计嘅好地方。嘢食方面，食材优质新鲜，厨师手势都好到家。虽然系川菜，但辣度调整到香港人完全食得到，唔使怕辣。呢个泡海鲜有我最爱嘅带子、八爪鱼及虾，八爪鱼弹牙鲜味，虾都系鲜甜弹牙，少少辣，一般香港人都食到，还有爽口的西芹片，中和一下。宫保虾球：大大个虾球十分弹牙，酱汁非常浓烈又带少点麻感，好钟意呢个，十分推介。呢个椒盐豆腐材料简单，但绝对考功夫，炸得一啲都唔热气，外脆内滑，十分抵赞。鱼肚伴菜芯，我地当花胶咁食，大大片，仲淆到入晒味，一啲腥味都冇。响螺敦鸡汤，真材实料，清甜，有啖啖螺肉，热热哋饮落肚最满足。京葱蒜牛肉都系比较浓味。鲜芦荀大棵但嫩，用上汤淆到入味，几清新。整体感觉都非常好，服务到位，味道一流！值得再黎。