香港魚蛋皇

营业中

休息中

收工肚饿又唔知食咩好，喺湾仔行下街之后见到香港仔鱼蛋王就入咗去食啦，本身谂住医下肚，殊不知入边嘢食原来都几好味。入到去我叫咗一个鲍鱼肉碎豪仔粥，同埋一份净牛筋。两样都系我自己最中意食。入到去姐姐主动问落得单未，肚饿既我紧系即刻落左单先。嘢食上得都快，粥要即滚就无可避免，但食住牛筋等完全唔觉得耐。先讲下牛筋，牛筋煮得好入味同好淋。分量来讲自己一个食都算好多，最后食都食唔晒。个人来讲觉得偏少少咸，送埋粥食真系一流。之后到个粥，粥系非常之多料，蚝仔就咁数都已经有十几廿只。食落仲要好鲜甜。配埋葱花真系非常正。