割烹 櫓杏 (iSQUARE國際廣場)

营业中

休息中

帮姊妹庆生，当然要食返餐好嘅！今次食呢个「特别锅会席料理」，前菜系莫札特蔬菜究极水沙律，同以往嘅日式沙律好唔同，因为系无任何酱汁，全靠蔬菜够新鲜；然后系三式刺身同五式寿司，全部都好新鲜，一啲腥味都无，最正系个半生熟牛寿司，牛肉面轻轻灼熟，底层生生地，入口即溶；仲有个海胆军舰，新鲜鲜甜到极点；扬物又点少得天妇罗，但今次系点椒盐并唔系点天妇罗汁，颇为特点。重点锅物嚟啦，套餐有三种选择：涮涮锅、寿喜烧同蒸笼料理，姊妹拣咗个寿喜烧，配料除咗杂菜外，点少得主角，有呢个熊本黑毛和牛、火之豚肉、天草大王地鸡，点埋个生鸡蛋一齐食，一流！仲惊你唔够饱，加埋一个日式乌冬加底，最后两个侍应送埋最后一度甜品，伴随音乐盒音乐送嚟嘅雪糕，好一个完美嘅句号！话时话，个雪糕好好食，酸酸地似有啲黑糯米系入面，不过我地挂住影相搞到溶溶地😆望住尖沙咀嘅夜景慢慢叹住美食，确系一种享受！