Franape Bar & Restaurant (已結業)

今次同朋友食饭，我又饮又食真happy，今次有好野食，法国菜式既酒吧，酒吧有幅好大既壁画，几型好似法国街头艺术甘。鸭脾珍宝珠听个名都已很吸引我了，珍宝珠甘可爱，呢道菜式听店员介绍话用油浸慢煮既方式，炮制而成的鸭脾肉，之后再整成圆碌碌既型状，好似珍宝珠甘，so cute。味道非常香口，有香浓烈既鸭味，入口松软。甘样食鸭脾肉真系第一次。千岛海鲜pizza , 材料非常丰富，芝士够哂重身，甜甜地既千岛汁配浓味芝士，入口烟靭香甜，不过就食完会好肥啊。Pizza饼底厚度适中，最like够多沙律菜。呢度酒吧既特色系手工啤，我拣左梅花十手工啤，味道带朱古力焦糖味等，似饮雪糕味既啤酒，好得意。德国肠拼盘呢碟串烧德国肠四兄弟，入面有几种不同味道既肠仔，有咸味，少许辣味、黑椒味等，配埋啤酒饮就仲入味。慢煮澳洲牛小排听店只话系空运既，保证新鲜，所以我要试试喇。牛小排上面搽左花生忌廉，呢种味道既配合都特别。牛小排肉质嫩，不会太靭，煎得时间刚好，诚意推介。