影片
更多
2019-01-13
315 浏览
今次真系一次好差既体验，先系入座！Book左6:30，我地6点钟左右就到左，佢都可以安排我地入座，但就叫左个侍应带我地出门口，去左转角既分舖度坐，（但系间舖明明仲有好多位），都唔紧要，入左另一间舖之后竟然带我地去到最入个杂物房度坐，好焗，一阵味，同样地出面都系有位🤷🏻♀️，点解要带我地去最入杂物房度坐？我地当然唔肯啦，咁个侍应就帮我地转过个位置上菜既时候发现全部都系出面拎入黎，即系代表呢度系冇厨房，所有野食都系系隔离舖整完拎过黎，出面系马路，人多车多，食物大部份都冇盖cover住就拎过黎，感觉真系唔太良好！杯沙冰有故事㗎，话说我哋起初叫咗粒粒菠萝冰，杯菠萝冰嚟到溶左好多，𠮶侍应见到个上面冇菠萝粒，之后即刻叫人收走换过杯，但系嚟到唔好以为好多菠萝，得个两小粒，粒粒芒果冰都系得几粒好细既芒果系面，同我预期中既粒粒真系相差得远，唔讲粒粒，讲味道，味道偏啖，冇乜菠萝同芒果味，个甜味完全系糖水，幸好佢冇整到太甜，不过我真系情愿饮其他野生虾刺身，味道同其他泰国舖既一样，冇乜分别，唔系特别鲜甜凤爪整得都几入味，偏辣！味道Ok! 凤爪份量唔太多，配菜好多😂咸鱼粒炒椰菜苗，说好的咸鱼呢？食左一半先见到d
Book左6:30，我地6点钟左右就到左，佢都可以安排我地入座，但就叫左个侍应带我地出门口，去左转角既分舖度坐，（但系间舖明明仲有好多位），都唔紧要，入左另一间舖之后竟然带我地去到最入个杂物房度坐，好焗，一阵味，同样地出面都系有位🤷🏻♀️，点解要带我地去最入杂物房度坐？我地当然唔肯啦，咁个侍应就帮我地转过个位置
上菜既时候发现全部都系出面拎入黎，即系代表呢度系冇厨房，所有野食都系系隔离舖整完拎过黎，出面系马路，人多车多，食物大部份都冇盖cover住就拎过黎，感觉真系唔太良好！
粒粒菠萝/芒果沙冰
$28
18 浏览
0 赞好
0 留言
杯沙冰有故事㗎，话说我哋起初叫咗粒粒菠萝冰，杯菠萝冰嚟到溶左好多，𠮶侍应见到个上面冇菠萝粒，之后即刻叫人收走换过杯，但系嚟到唔好以为好多菠萝，得个两小粒，粒粒芒果冰都系得几粒好细既芒果系面，同我预期中既粒粒真系相差得远，唔讲粒粒，讲味道，味道偏啖，冇乜菠萝同芒果味，个甜味完全系糖水，幸好佢冇整到太甜，不过我真系情愿饮其他野
泰式生虾刺身
$118
16 浏览
0 赞好
0 留言
生虾刺身，味道同其他泰国舖既一样，冇乜分别，唔系特别鲜甜
泰式酸辣凤爪
$82
14 浏览
0 赞好
0 留言
凤爪整得都几入味，偏辣！味道Ok! 凤爪份量唔太多，配菜好多😂
泰式咸鱼炒椰菜苗
$82
11 浏览
0 赞好
0 留言
咸鱼粒炒椰菜苗，说好的咸鱼呢？食左一半先见到d咸鱼粒，如果d菜就咁食就冇乜味，加埋d咸鱼同埋蒜蓉就好食好多
香叶辣椒鸡肉炒河
$78
18 浏览
0 赞好
0 留言
炒得冇获气，炒得偏湿，冇香叶味，好普通既一碟炒河粉，𩠌菜好少，d鸡肉唔好食，一阵味，真心觉得茶餐厅炒河粉可能仲好食！
秘制老水猪手煲
$148
25 浏览
0 赞好
0 留言
卤水猪手炆得好腍，不过就皮还皮，肉还肉，食唔到卤水味，只系觉得食紧一旧好普通嘅猪肉
脆炸芝士虾丸
$178
29 浏览
0 赞好
0 留言
见到其他枱叫芝士虾丸，望落去大大粒，好似几好味咁，但只系虚有其表，成粒虾丸好油，虾胶冇虾味，粒丸一d都唔弹牙，芝士偏咸，平时酒楼摆酒果d仲好食😢
泰式蒜蓉包
$30
35 浏览
0 赞好
0 留言
呢个蒜蓉包可以话系成餐饭最好食嘅𩠌菜，法包烘到好脆，牛油味好香，蒜味就少啲
冬荫公汤
$128
22 浏览
0 赞好
0 留言
冬阴公汤入面有两只虾且埋杂菇，个汤除咗冬阴公应该有嘅酸味，我食唔到有其他香料嘅味道，个汤唔算太辣，味道普普通通
泰皇咖哩法包软壳蟹
$198
29 浏览
0 赞好
0 留言
个咖喱包（真系得个包好食）系第二好食嘅嘢，个咖喱汁好有椰香味，个包点埋咖哩汁好好味，但系个包烘得唔够，有d扣分，另外软壳蟹系冻嘅，仲好油，浪费左个软壳蟹
蒜香胡椒炸墨鱼咀
$78
22 浏览
0 赞好
0 留言
胡椒墨鱼咀？完全冇胡椒味，仲要唔热，只系好微好微既暖，食落唔脆，如果净系食墨鱼咀系完全冇味，淡如水，一定要连埋d炸蒜食先有味，但个炸蒜系做得几好嘅
由于今日间餐厅个电脑坏咗，上菜系一片混乱，有啲嘢食等左好耐都唔黎，上菜完全冇次序，个侍应（貌似高级少少）佢好努力喺度追单，但系佢全餐饭就听到佢不停大声咁讲野，好似去咗街市咁，好嘈，令到全家食得好唔舒服，仲要一食完就叫我地埋单，其实本身我地唔需要食咁耐架，系等你d𩠌咋，唔好觉得我地霸住你张枱！埋单差唔多$1500，每人平均$300，𩠌菜份量偏少，收得呢个价钱贵左少少！
张贴
