悅滿軒

已经好多次帮趁悦满轩呢间餐厅，一直都好喜欢佢地既法国菜🇫🇷，因为以法国菜黎计，佢地个价钱都几抵食。今日又再重游旧地。😌我点咗个烤小龙虾🦞意大利粉配西班牙红虾汁🦐。小龙虾🦞其实即系Scampi，唔好睇佢好似只虾咁，以为系普通嘢，其实Scampi系一种高级食材，鲜味十足。而且意粉汁用上红虾🦐，红虾又是另外一种高级且鲜甜的食材。两种最鲜甜既虾煮出来既意粉，净系上枱已经香到不得了。😌老公点咗意大利饭配澳洲鲍鱼 海鲜汤。呢个饭又系一上枱就已经好香。本身个意大利饭已经用上海鲜汤去煮。餐厅仲额外提供海鲜汤俾我地加进饭内，不过我地都系钟意就咁饮。海鲜汤好鲜甜🤤，应该用上大量鱼骨同埋甲壳去熬制。饱鱼亦煮到好淋好香。香煎北海道带子配开心果牛油 芹菜头蓉。带子煎得外脆内软，配上开心果牛油同埋芹菜头蓉，成件事好清新☺️。整个菜充满住开心果既香味。