三田製麵所 (K11購物藝術館)

营业中

休息中

本身对拉面都有一股热爱，闲时亦都周不时去不同嘅地方试下新野，不过沾面就吾系我杯茶，所以一直都无兴趣试下三田。咁啱一晚同友人路经k11, 又见无人排队，所以入左去试试，第一个感觉水吾够冻，冷气亦不足，先入为主已经对佢打左个节扣。服务员嘅表现除左一位睇落比较资深嘅之外其他都有进步空间。不过都算合格。望过menu后叫左个二人前，朋友叫个正常沾面，我就叫左个正常拉面（无蛋）。小食吾吸引，如果之后再去食我会叫两个一人前。重点依然在于个面度，朋友嘅沾面先到，试左啖，汤头都够浓，不过吾系我嘅favorite，不便品评。到我嘅拉面到左，一块少少干，可接受嘅柴口叉烧，几块美味无渣嘅笋丝，重有一堆平时少见到嘅洋葱粒，汤头比较浓，近乎猪骨汤嘅浓但有鱼介嘅美味。同埋重点系够热，如果秋冬时候食会再加分。面身较幼，与汤头配合，食到中后段都吾会变得死咸。当食到最后，最吾起眼嘅洋葱就发挥左佢嘅作用。佢嘅辛辣减底左汤嘅油腻度，令到我有饮晒成碗汤嘅冲动。个人建议洋葱粒可以保留番d到最后。整体嚟讲价钱对比起质素系属于微微地偏贵，不过我会有再嚟食嘅冲动。毕竟外面价钱相近但质素参次嘅大有人在。