一鍋瘋 (已結業)

喜欢食海鲜的朋友，有呢间推介。十款生猛海鲜加个特色粥底，每位 $188。可以一次过食十款海鲜，真系听到都开心！特色粥底有五款，分别系粟米、椰子、紫薯、甘荀同菠菜。各人拣返自己钟意果款，唔使争上枱滚起，明显闻到椰子味好香，反而紫薯就比较低调。虽然话系粥底火锅，但其实佢个汤底系未加米的，所以好清，唔怕会痴底。耐心等一等，海鲜盘就出场了。十种分别系肉蟹、海虾、鲍鱼、生蚝、贵妃蚌、扇贝、黄刀贝、蕃薯蚬、白蚬仲有鱿鱼。见到呢个阵容，叫D海鲜控点忍？肉蟹好新鲜呀！贵妃蚌好大只，好新鲜，仲有马刀贝同扇贝，全部都好鲜甜。可以将所有海鲜一网打尽，感觉真系好极。望过少少，仲有鲍鱼、蕃薯蚬同日本蚬，只只肥美，洗得干净又冇沙只蟹好多膏，肉质亦鲜甜。海虾亦够大只。马刀贝是鲜甜的，味道一流。食完海鲜如果觉得唔够，仲可以加配火锅配料，有成几十种选择，都系 $12 咋我地加左豚肉，猪皮 and 娃娃菜。豚肉有样你睇，系靓料，食落又滑又有味，都系 $12 四片。推介，加加加！最后加入芋头粒、南瓜粒同米糊。粥底集合了众多海鲜的鲜味，又香又绵又滑，仲有丝丝紫薯味，好满足。