影片
更多
2024-02-18
737 浏览
见呢间新开有65折黎试下，但质素认真一般，有65折嘅话算系啱啱好合格。环境都算迫，枱与枱之间好密，行起上黎拎住野要好小心，特别系张枱距离食物吧好远，仲要好多时条路净系够一个人过，仲要小心d小朋友突然走出黎。食物方面，种类好多，热熟食有好淡嘅蒸比目鱼，海南鸡，烧春鸡，卡邦尼意粉，上汤娃娃菜，仲有即切片皮鸭等等，但大部分嘅味道都系一般，用料都唔算有咩亮点，片皮鸭切得好厚，好重膻味😅，和牛炒饭嘅和牛粒少到真系好难揾。整体感觉系你喺街唔会俾咁贵钱都食到嘅水平黎。汤有酥皮汤同茶树菇炖汤，两只汤都算系正正常常，快餐店水平咁样，值得推介嘅有要排队拎嘅飞驒牛同牛肉寿喜烧，食入口充满油香同有好浓嘅牛味。冷盘方面，基本上应该有嘅野都齐晒，龙虾d肉同蟹脚都系得个干字，完全称唔上好食，感觉唔知急冻左几耐咁。寿司大约有5至6款，但最记得系拎左旧鳗鱼寿司，成旧鳗鱼系鳗鱼皮黎😅。饮品有果汁同酒同咖啡任斟，仲有调酒师间中推架车出黎，甜品款都一样好多，另外有豆腐花同糯米滋，糯米滋算系ok好食嘅，但其他整体都系好一般，豆腐花唔滑。心太软个到，食客可以即场入纸叫师傅写字喺碟上面写字，但两碟个师傅都写漏字。即时出炉嘅梳乎厘都
环境都算迫，枱与枱之间好密，行起上黎拎住野要好小心，特别系张枱距离食物吧好远，仲要好多时条路净系够一个人过，仲要小心d小朋友突然走出黎。
食物方面，种类好多，热熟食有好淡嘅蒸比目鱼，海南鸡，烧春鸡，卡邦尼意粉，上汤娃娃菜，仲有即切片皮鸭等等，但大部分嘅味道都系一般，用料都唔算有咩亮点，片皮鸭切得好厚，好重膻味😅，和牛炒饭嘅和牛粒少到真系好难揾。整体感觉系你喺街唔会俾咁贵钱都食到嘅水平黎。汤有酥皮汤同茶树菇炖汤，两只汤都算系正正常常，快餐店水平咁样，值得推介嘅有要排队拎嘅飞驒牛同牛肉寿喜烧，食入口充满油香同有好浓嘅牛味。
冷盘方面，基本上应该有嘅野都齐晒，龙虾d肉同蟹脚都系得个干字，完全称唔上好食，感觉唔知急冻左几耐咁。寿司大约有5至6款，但最记得系拎左旧鳗鱼寿司，成旧鳗鱼系鳗鱼皮黎😅。
饮品有果汁同酒同咖啡任斟，仲有调酒师间中推架车出黎，甜品款都一样好多，另外有豆腐花同糯米滋，糯米滋算系ok好食嘅，但其他整体都系好一般，豆腐花唔滑。心太软个到，食客可以即场入纸叫师傅写字喺碟上面写字，但两碟个师傅都写漏字。即时出炉嘅梳乎厘都好松软，但略嫌太甜。
另外有样野要提提，佢地补充碗碟嘅速度真系有d慢，有一牌寿司豉油碟完全冇晒都冇人refill，同埋都建议拎碟前望望干唔干净，因为都有一部分系洗唔干净有d渍喺上面。最记得系后期refill左一批碟，只只上面都有成滩水，感觉唔多好。😰
成餐饭冇咩特别，所以都冇咩心机影相，整体黎讲咁嘅价钱叫做合格，但如果收番正价真系唔会再谂住食呢间。
张贴