梅花邨小館

营业中

休息中

星期五收工，约咗几个好友一齐去打冷饮啤酒。有人介绍梅花村，话呢度啲打冷几正宗，抱住一试无妨嘅心态，山长水远由港岛南去到长沙湾试食。试食咗几样野，包括豪饼，卤水拼盘，虾枣拼蟹枣，小炒王，鹅片，鹅肠。味道黎讲，尚算可接受，但系一定唔突出。印象最深刻嘅一定系豉油王鹅肠，份量唔细，肥膏香口，鹅肠爽脆。值得推荐俾各位。至于其他菜式来讲，味道只属一般，价钱亦都唔算太便宜。环境方面，一早已经book咗枱，但系侍应仍然安排我哋坐喺楼梯位， 不太理想，好多人行嚟行去，明明见到仲有其他位，亦都唔会主动安排我哋转枱，有啲失望。值得一赞嘅系，食到最尾，侍应会睇我哋仲有10分钟左右要离场，亦都会主动奉送甜品。