八沢 (筲箕灣東大街)

营业中

休息中

放长假黎东大街道食饭，都已经八点几，估唔到都仲系间间好多人。唯一揾到呢一间都仲有一张枱，我哋就即刻入咗去食啦。叫咗一个好似系招牌嘅黑松露忌廉海鲜乌冬，黑松露超级香，忌廉汁呢唔系好杰，系kind of汤咁样，但系自己一人食晒全个嘅话应该会觉得好漏，我哋系几人一齐share就感觉比较好。同埋叫咗另一个系最普通嘅牛肉乌冬，清清地中和下几唔错，比我想像中好食，牛肉好薄但唔硬。仲有一个安格斯牛扒咖哩饭，啲牛肉系真系唔错嘅，但系个饭整体唔系好够热。佢可以加钱($5) 转乌冬，所以另一个就嗌咗咖哩豚肉乌冬，豚肉非常干𠮶种，唔好order呢个。仲有嗌咗一个杂锦鸡肉串烧set﹐总共有六串，其中有一个好似系将啲鸡肉同埋鸡软骨MIX 埋变免治鸡肉棒，呢个都几好食，仲有鸡肾同埋鸡软骨，正正常常。另外再嗌咗一个厚切牛舌，非常之厚，烧出嚟脆脆地好好食。