方叔叔重慶老火鍋 (創紀之城五期(apm))

营业中

休息中

今次我嚟咗方叔叔打边炉， 其实中午有午市套餐， 不过我哋惊唔够饱，所以就散叫😂 不过我哋后尾发现， 散叫价钱贵，而且更加唔够饱😑😑😑如果要一人套餐嘅话基本上百几蚊一位，仲有个面俾你，应该塞得饱😂我哋脑入水就散叫咗8样野， 每样都系半份半份，我哋两个女仔食落去都唔够饱，食完仲好肚饿， 埋单已经五百几😂所以散叫唔抵...讲下佢个汤底先， 我觉得佢个汤底都ok，菇汤真系有菇味，清清淡淡，感觉唔错✔️另外叫咗个重庆辣， 我哋初初仲惊会唔会好辣，不过发现都系就返香港人口味，唔会好辣😑同正宗嘅重庆麻辣火锅仲差一大截！比较失望~火锅配料一般都比较细份， 可能我哋系叫半碟嘅关系😂食材嚟讲都算比较新鲜，亦都唔算太差！我哋自拍嘅时候，店员仲会主动过嚟帮我哋拎相机影相，而且我哋食晒啲嘢都收碟收得好快， 服务态度几好~ 唔知系咪因为我哋比正价食嘅关系， 不过无论如何，都加分嘅😂😂如果下次再去， 可能我会试下一人火锅，至少应该会饱啲！今次我哋食唔饱，另外出去再食其他嘢算😂😂#火锅 #打边炉 #打卡餐厅 #方叔叔重庆老火锅 #肥牛 #牛肉 #猪肉 #丸 #麻辣 #菌汤 #黄怪兽 #黄怪兽觅食 #yum #yummy