宗像屋 (已結業)

今晚即兴约，朋友想食呢间，又揾好哂地址，就跟佢嚟食。位置系深水埗，地铁站一出都要行一段路，本身而为要排队但个日我地都算早，一入就有位。店面不大但几干净舒适。成间店只系卖一种丼饭，有分size同豪华版。我地叫左2个丼饭，一嚟先上前菜。前菜有2片鱼生配胡麻汁，先食一块，留返另一块一阵食茶渍饭。紫菜一阵可以自制手卷。梅 $108-有10种海鲜，吞拿鱼、吞拿鱼蓉我最爱、北寄贝、带子、甜虾、三文鱼子、乌贼、油甘鱼𫚭鱼、希灵鱼。呢种丼饭系全部海鲜切粒mix埋，但朋友唔钟意食希灵鱼要自己夹出嚟。鱼生都新鲜，饭有芝麻几香。我自己都几钟意自制手卷个食法。竹 $145-朋友既丼饭，饭量冇变，鱼生都系10种但鱼生份量就多啲，都明显系高啲。食净3份1饭可以转落另一个碗，叫店员帮你加汤。汤有d柚子味几清，反而觉得呢个茶渍饭系全晚最好饭😂朋友试左留返块鱼生加汤食，但觉得味道好怪，都系当鱼生就咁食好食啲。整体嚟讲不过不失。