金記冰室 (都會駅) (已結業)

呢间连锁餐厅喺调景岭开咗唔太长时间，经过都总会见到有人排紧队，今日无咩人排队，又比大大个菠萝包吸引，决定喺度食下午茶。餐厅座位系几好，差唔多全部都系卡座，食物种类都几多，QR code自助点餐好方便，而食物味道方面有啲唔错，有啲就有少少失望。酥皮蛋挞，个皮都酥化，唔错。菠萝油，好大个好饱满，不过包烘到太干。生炸鸡髀米粉配火腿烚蛋沙律，鸡脾新鲜炸起又唔鞋，成个餐好丰富。白汁浓厚芝士焗鱼柳饭，已经叫咗多汁，食到后面无汁，太干根本食唔到。金牌干炒牛河，虽然偏油，但个味几好。热香滑奶茶热好立克。绵滑蛋白杏仁茶。