稻香.茶居 (壹號九龍)

营业中

休息中

稻香一向都有一蚊既惊喜出现, 秋天到就出一蚊羊腩煲, 今次4个人去食8点半后宵夜时段, 贪佢有火锅半价起, 我地叫完仲谂紧会唔会一人得一旧呢, 上菜见到基本一人都可以2-3旧啦, 不过几韧下, 而腐乳就得一细碟, 要大家开心SHARE啦!初初以为叫左一蚊羊腩煲, 其他野就会无优惠添, 原来仲可以享有啤酒及汽水半价 (汽水算平, 都系$7.5, 系酒楼真系几平), 火锅配料都有优惠。先叫咗雪枣鲍鱼气锅汤, 都系28位, 平时买支水饮随时都十蚊啦, 呢个话哂都系个气锅汤唔打得都睇得呀! 跟住就叫咗个特价象拔蚌$138, 本身已经系优惠, 所以无得半价啦!  其他配料都不过不失啦, 4个人500几蚊, 仲有免费泊车, 我就觉得不错啦! 不过服务方便, 可能宵夜时段, 所以没系太够人手, 需要佢地好忙, 仲要出埋菜, 不过都好礼貌, 只系要叫人时就比D耐性等有人经过。