影片
更多
2022-05-13
761 浏览
呢间听讲系好难book,所以一开返晚市就即刻book~ 好好彩有位呢间餐厅好有隐世探店feel, 去到楼下要㩒钟仔先会开门上去，好有神秘感🤣 即刻增添几分期待～上到去有专人接待，带你穿过一度又一度暖帘，终于黎到安排好嘅房间。呢度嘅环境好宽敞，虽然系日式餐厅，但有种好chill嘅感觉，可能因为佢装修有种清新木质感。我哋好好彩安排咗系师傅嘅面前，可以全程欣赏师傅嘅表演～系加分咗唔少！😋我地拣咗粋set,$1880前菜已经好精致，眼前一亮！教我地进食顺序：豆浆腐皮/萤光鱿鱼/冲绳蟹肉海藻（个人觉得好酸，麻麻地）/螺/梅酒浸蕃茄（好好食😋梅酒嘅甜渗透入剥咗皮嘅蕃茄，好甜好fresh,完全冇酒𠮶种苦味）刺身整体都好出色，系预计中嘅高质，但又有出色嘅位令你惊奇😍刺身一：岩手县米崎真蚝，上面仲有酸汁啫喱。因为本身唔钟意食生蚝，但呢个令我对生蚝改观！完全冇生蚝𠮶种腥臭味，反而好爽口又甜，食落去系饱满嘅感觉，一啲都唔腻😋😋如果唔喜好creamy口感嘅，呢个一定会令你回味！刺身二：由左至右食起：剥皮鱼加鱼肝酱(呢个鱼肝酱师傅加咗好多details落去，有小葱碎同磨柑桔皮碎，包住鱼刺身食落去，有肝油香之余，
呢间餐厅好有隐世探店feel, 去到楼下要㩒钟仔先会开门上去，好有神秘感🤣 即刻增添几分期待～
上到去有专人接待，带你穿过一度又一度暖帘，终于黎到安排好嘅房间。呢度嘅环境好宽敞，虽然系日式餐厅，但有种好chill嘅感觉，可能因为佢装修有种清新木质感。
我哋好好彩安排咗系师傅嘅面前，可以全程欣赏师傅嘅表演～系加分咗唔少！😋
我地拣咗粋set,$1880
前菜已经好精致，眼前一亮！教我地进食顺序：豆浆腐皮/萤光鱿鱼/冲绳蟹肉海藻（个人觉得好酸，麻麻地）/螺/梅酒浸蕃茄（好好食😋梅酒嘅甜渗透入剥咗皮嘅蕃茄，好甜好fresh,完全冇酒𠮶种苦味）
刺身整体都好出色，系预计中嘅高质，但又有出色嘅位令你惊奇😍
刺身一：岩手县米崎真蚝，上面仲有酸汁啫喱。因为本身唔钟意食生蚝，但呢个令我对生蚝改观！完全冇生蚝𠮶种腥臭味，反而好爽口又甜，食落去系饱满嘅感觉，一啲都唔腻😋😋如果唔喜好creamy口感嘅，呢个一定会令你回味！
刺身二：由左至右食起：剥皮鱼加鱼肝酱(呢个鱼肝酱师傅加咗好多details落去，有小葱碎同磨柑桔皮碎，包住鱼刺身食落去，有肝油香之余，仲好清新，烟烟韧韧)/金目錭就比较普通，烧过皮都几脆口，但略嫌唔够香/反而下面嘅右口鱼包住烧过嘅右口鱼裙边就好香口，烧过嘅油脂流晒出嚟，比右口鱼包住一齐食落肚💯/最后系用黎清下口嘅青柠啫喱(都系觉得好惊艳🙊)
刺身三：慢煮𩽾𩾌鱼肝。呢个真心正！滑嫩又creamy又肥美，好似食紧大大旧鹅肝咁，好满足。最细心系夹埋萝白片，𠮶种甜脆，双重口感，冲走咗腻，剩低嘅只有甜同鲜。
刺身四：拖罗三文治。几创新但食落反而一般，因为大拖嘅肥美被遮盖咗
跟住黎到料理嘅环节：毛蟹+蟹膏豆腐+蟹醋，上层系腿，下层有蟹膏碎肉，有层次得来，又啖啖肉，好轻易就用匙羹食😋仲有成块嘅蟹膏啫喱，好特别，充满海洋气息又唔腥😍出色
另一个料理系原条红烧喜知次，有日本红宝石之称！嫩滑又有鱼香。上网check完先知原来好珍贵🙊真系值
然后嚟到寿司嘅部份，都系好出色，但系我觉得饭方面略嫌太酸，反而有啲抢咗刺身嘅味
带子寿司、深海池鱼寿司、火灸北寄贝寿司、池鱼昆布寿司、淡路由良海胆、北海道马粪海胆寿司、赤鯥鱼寿司、深海鳕鱼寿司
当中最惊艳就一定系呢个淡路由良海胆😍有种好特别嘅香味好似花香定系生果嘅清甜，系食完之后，口腔仲一直残留住𠮶种甜味😋一直到而家都念念不忘
最后师傅仲送咗葱拖罗手卷俾我哋食🥳 里面包左葱同天妇罗碎碎，口感好丰富～
最后有成只匙羹咁大嘅大蚬昆布清汤，同埋好甜嘅静冈蜜瓜埋尾，好满足又奢华嘅一餐😋开心
张贴
