班蘭葉印尼餐廳

营业中

休息中

今日唔去尖沙咀追星，改去铜锣湾。追完星后要补充一下体力，食返啲野。难得过海嚟到呢度，一定要试吓啲特别啲嘅野。咁岩就俾我地见到呢间印尼餐厅。佢个menu 上面啲野食真系好得别，汤粉皮我哋真系未食过，所以就点左黎试。个汤底仲要系花胶汤底，真系好期待。印尼花胶汤班兰鸡粉皮望落去有少少似海南鸡但系呢又唔系海南鸡咁样嘅味道。鸡肉好嫩滑，鸡皮好爽口。粉皮有啲似沙河粉，但又冇沙河粉咁油。配埋花胶汤底，非常之好味。原条鱼花胶汤粉皮呢个简直系意外之喜，完全估唔到会有咁大条鱼。系大过我只手掌呀！个面炸得好香脆，入面啲鱼肉又系嫩。超级好食！大蘑菇沙嗲大蘑菇就咁食已经好好食完全唔需要点沙嗲。蘑菇唔会话烧到好干身，入面仲有啲水份，好Juicy。牛油果沙冰沙冰好快溶所以食得快啲，牛油果配埋朱古力酱，又邪恶但又诱人。