囍源古早蛋糕 (已結業)

古早味蛋糕系我同屋企人嘅最爱，但系好难揾到一间超好食或者令我好回味嘅，呢一间就系例外啦！所以一定要写篇好评去赞赏下！！！经过见到有呢两款都几吸引，所以就买咗！咸蛋肉松馅料爆棚，咸咸香香，仲要有粒粒蛋黄碎！杏汁杏仁就完全好似食紧糖水𠮶种味道咁样 ，杏香好重，系杏仁独有嘅香气。两款蛋糕都超级湿润，揿落去个蛋糕面仲识弹返上嚟，全部低糖又冇㶶边！仲有朱古力味、咖啡味、榴梿味、原味、三层巨无霸、四层巨无霸都好想好想试！！！