影片
更多
2015-10-16
2798 浏览
喺西环工作已经踏入第五个年头， 呢一带嘅食肆老实说我都已经食得八八九九。其实都好钟意喺呢头返工，贪呢个旧区好少有集团食肆进驻，小餐厅多年来可以百花齐放，各自各精彩。不过，自从港铁伸延西港岛线之后，原本嘅旧小店陆陆续续都挨唔住贵租黯然离场，就好似呢一段嘅德辅道西，每间小店楼面都系得几百呎，但租金就闲闲地都十万八万，令呢度原本卖紧$30有找嘅三𩠌饭小店，最后都销声匿迹...今日行到嚟竟然有惊喜 － 呢间无人唔识嘅永合成煲仔饭原来已经静悄悄离开咗上环，一路向西，来到西环人嘅怀抱。一场嚟到，喺怀念旧舖嘅街坊三𩠌饭之余，不如试试呢间人称煲仔饭王嘅「永合成」啦！虽然唔使等位，但午饭时间都算座无虚席。我未去过旧舖食，唔知道以前一个煲仔饭卖紧几钱，不过呢度嘅价钱都几『坚尼地』，煲仔饭入场费要$60!眼见佢餐牌上面一句：「大饱易卖， 大钱难捞，针鼻削铁，无非微中取利」算啦，我都明白而家出街食饭，一半嘅消费都系帮紧人交租㗎啦... 唉，既然已经入到嚟，食咗先讲啦！其实一走入舖头，浓浓嘅饭香已经令人垂涎欲滴；落单之后，等食之时，望住周围食得津津有味嘅街坊埋头苦干，我哋都食指大动，急不及待想快啲食到呢间过江龙
今日行到嚟竟然有惊喜 － 呢间无人唔识嘅永合成煲仔饭原来已经静悄悄离开咗上环，一路向西，来到西环人嘅怀抱。一场嚟到，喺怀念旧舖嘅街坊三𩠌饭之余，不如试试呢间人称煲仔饭王嘅「永合成」啦！
虽然唔使等位，但午饭时间都算座无虚席。我未去过旧舖食，唔知道以前一个煲仔饭卖紧几钱，不过呢度嘅价钱都几『坚尼地』，煲仔饭入场费要$60!眼见佢餐牌上面一句：「大饱易卖， 大钱难捞，针鼻削铁，无非微中取利」
算啦，我都明白而家出街食饭，一半嘅消费都系帮紧人交租㗎啦... 唉，既然已经入到嚟，食咗先讲啦！其实一走入舖头，浓浓嘅饭香已经令人垂涎欲滴；落单之后，等食之时，望住周围食得津津有味嘅街坊埋头苦干，我哋都食指大动，急不及待想快啲食到呢间过江龙有几好味。
今日我哋叫咗三个饭：
::窝蛋牛肉饭 $65::唔知由几时开始，食煲仔饭一定要食窝蛋牛肉饭。上菜一刻，见到只生鸡蛋晃晃下已经心神恍惚，啲牛肉仲要鲜嫩无比，绝对唔系出边一般食肆做嘅梳打粉牛肉；呢度嘅牛肉滑得来充满肉香，肉汁并无因为煲仔饭嘅火候被烧干，反而锁住系入边保持著鲜嫩嘅口感，捞埋只窝蛋同啲酱油饭，一口幸福滋味！
煎蛋牛肉饭::煎蛋牛肉饭 $68::
相比窝蛋，食煲仔饭要俾多$3将只蛋煎熟确实有啲唔明智，牛肉系一样的好，不过煎蛋同牛肉做唔到水乳交融𠮶种微妙关系，冇咗𠮶种二合为一嘅幸福滋味... 我自己都系钟意窝蛋牛肉饭多啲。
北菇鸡饭 （+ 润肠 $11）::北菇鸡饭 $65 (加润肠$11)::
听讲永合成除咗窝蛋牛肉好食之外，佢哋嘅秘制蒸滑鸡都好得嘅，又因为觉得食煲仔饭点可以冇润肠，于是就叫咗呢个组合。我想讲呢度嘅鸡的确做得好出色，虽然，佢畀嘅都唔系鸡脾肉，反而系鸡胸、鸡背脊同鸡翼尖呢啲又干又多骨嘅部位，不过，呢度都能够化腐朽为神奇：整体嚟讲啲鸡肉都系湿润多汁，肉地鲜嫩香浓，配合淡淡嘅腐乳味道，加埋一条充满鸭肝醉香嘅润肠，实在滋味无穷！
唔知咩原因，其他两位同事嘅煲仔饭底都冇饭焦，我哋就傻下傻下走去问阿姐点解会冇饭焦嘅，佢竟然有啲尖尖咁话：「我哋啲饭系无饭焦㗎！要食饭焦嘅话，下次落单就要讲明啦，不过要加$10！」 听完真系有啲O嘴...
不过当我食埋自己个饭，唔知系咪我食得比较慢定系咩原因，个煲底竟然有一层薄薄嘅脆饭焦，𠮶刻真系好开心！我谂我未试过因为有饭焦食已觉得自己好幸运～
秋高气爽，又系食煲仔饭嘅季节，嚟开西环就不妨过嚟试下自己嘅运气啦！永合成驰名煲仔饭
西环德辅道西360号地舖
张贴
