韓半島 (已結業)

今日嚟到厚福街揾食, 拣中呢间楼上西式韩国fusion菜 - 韩半岛。呢间餐厅, 所有菜式都有两个名, 一个系你睇完都唔会知食咩嘅诗情画意名 (e.g.仙岩村的秋天🍁)??系咩菜式?? .....原来系韩式荞麦冷面...意想不到吧。看似柔软顺滑嘅面条, 食落却Q弹不易断, 韩式荞麦面就系咁有性格, 配埋甜酸芝麻酱, 特别好食。香煎薯仔饼🥔 配蜂蜜🍯及三款芝士薄薄嘅薯饼以幼细薯仔丝编织而成, 要煎得好都几考功夫㗎, 呢块就相当出色啦。薯饼干脆挺身, 边位脆而不焦, 混合三款芝士, 香气扑鼻。可自由加入蜂蜜调味, 朋友觉得几夹㖞。我就唔太钟意又咸又甜嘅感觉啦。炸自制紫菜饭卷看似简单嘅一味炸紫菜饭卷, 要炸得够酥又唔过火先会好食, 呢个合格有余。仲附送一碗什锦泡菜, 清凉解腻。整体每道菜摆盘都好精致, 有心思, 味道亦唔错, 但份量都几细下, 抵唔抵食就见仁见智啦。