1563 At The East Live House and Restaurant (已結業)

今次约左好耐冇见嘅朋友食饭，但谂极都谂唔到喺边度食好，而上次听另一位朋友讲湾仔有间live House嘅餐厅啲嘢都几好食，而我地咁啱又系利东街，所以就决定上去食。呢间餐厅几大，而且有live band表演紧音乐，一边食饭一边听音乐都几舒服，而呢间餐厅最特别嘅地方系，过咗10点之后可以点自己钟意嘅歌上台唱歌，或者叫台上嘅司仪唱都可以，但过咗10点就要收最低消费，不过食埋饭都够。同朋友一齐开开心心过一个weekend都几正我哋每人叫咗一份set dinner，头盘可以自己拣，我就拣左一份沙律，一人份量黎讲都可以，蟹肉唔算多，而多士粒就好脆，芝士就冇乜味，不过整体黎讲唔算差。呢个汤好重蘑菇味，而且好够热，而且啲忌廉挤得好靓，好有心思牛扒我怕太老，所以叫左五成熟，佢个side可以拣一个薯菜同一律蔬菜，我就叫左薯蓉同蒜蓉炒杂菌，拣左红酒汁。个人黎讲呢个价钱嘅牛扒都算好好食，而且好有牛味，牛扒唔会太韧同太老，食落口都好juicy，而且有黑椒调味，所以呢个牛扒都叫好好食呢个焦糖炖蛋有一层厚厚既焦糖脆皮，而且炖蛋嘅部份好滑，同焦糖嘅口感好夹，但偏甜，餐甜黎讲都算几有心意。