瀛豐放題料理專門店 (已搬遷) 新店位置

假日晚市6点入座，连加一$285/p，食物种类都算多，刺身质素都唔错，推荐三文鱼，象拔蚌，赤背，珍宝虾。天妇罗正常水准，天妇罗番薯仔劲好食，南瓜一般。串烧完全唔得，串烧虾烧到好干。热炒出奇地好食，炒蚬炒螺味道一流，微辣惹味，不过一口牛炒得太耐，太韧。尖椒皮蛋冇尖椒，味道一半，无骨凤爪一般，蒜蓉粉丝蒸扇贝味道唔错，不过太干，烧三文鱼鲛好咸。寿司就几好，件件都好迷你，几好食，可以食多几件。甜品一如既往好睇唔好食，难食到一个极点，雪糕都麻麻地。饮品种类多。建议专攻刺身同热炒。铜锣湾较平嘅放题，比起X喜X容易揾位。