豐味車仔麵

营业中

休息中

而家 weekend 夜晚出街，基本上到处都人头涌涌，同疫情前已经冇咩分别，喺旺角觅食就更加困难，误打误撞，结果嚟到女人街旁嘅呢间车仔面。呢度有港式车仔面，重庆酸辣粉同四川麻辣烫三款选择，前者成日食，后两者之中结果拣咗正宗重庆酸辣粉，小辣配薯粉底，𩠌就要牛腩，鱼肉春卷同鱿鱼。虽然 menu 上写每碗面配料有炸菜，芫茜同花生，但我呢碗就冇咗炸菜，唔知系咪缺货呢？成碗面整体嚟讲系几好食，薯粉 Q 弹烟韧，三款𩠌份量以牛腩最多，炆得几腍几入味，鱼肉春卷鱼胶弹牙有鱼味，鱿鱼呢，虽然味道唔算浓，但系口感爽滑，浸埋小辣汤汁一齐食，系好正。