正潮樓

营业中

休息中

正潮楼 铜锣湾新宁道8号中国太平大厦第一期地下B号舖-----好耐冇食潮州嘢，收工心血来潮约咗朋友嚟呢一间位置闹中取静嘅潮州菜餐厅食个晚餐。餐厅装修四四方方咁，唔会好压迫，光猛整洁，用餐环境几舒服，仲有啲厅房，俾人包厢。鹅翼：食潮州菜就一定要叫卤水，呢度嘅鹅翼好大只，肉质滑嫩实净。鹅肉香味浓郁，无肉腥味，又唔会太咸。鱼露浸花甲：摆盘好精致，望落去一大堆花甲摊开，橙橙红红咁，系几靓。花甲饱满弹牙，食得出用了好新鲜，加埋微咸浓郁鱼露酱汁，粒粒饱含鲜甜味道，加上冰冰地，好开胃。煎九肚鱼烙边缘酥脆，中间保留咗九肚鱼个种滑溜嘅口感，食落去好轻盈唔会好重面粉感，几足料。老菜脯炖猪肚汤汁浓郁醇厚,胡椒味回甘悠长,猪肚爽弹，处理得好干净，老菜脯食落去有啲似笋嘅口甘，几特别。潮汕鼠壳粿粉团Q弹有劲, 食落外层好软糯，中间嘅馅料系低甜黑芝麻馅，高质得黎好少地方食到。