鮨燐

营业中

休息中

靓女舞伴牛一，深知佢钟情日本菜，XO仔就好有心地拣咗间新店「鮨燐」为佢贺寿，顺便一同庆祝七夕情人节。店子合共两层高，每层均有一个寿司吧，以高高嘅厚垫吧位围绕著师傅嘅大舞台，光线充裕，贵客绝对可大饱眼福。据悉，因店内并冇任何厢房，熟客大多都会包咗上层作开P之用，热闹嘅同时又够私人空间。小店并无花巧嘅装潢，一边墙身摆出多瓶日本清酒。其余就只见彩色嘅招财摆设及店名嘅一幅字画，简洁大方。晚市餐牌只有一页之多，分别为三款价格不同嘅厨师发办套餐。寿星女最爱食饭，所以唔洗多谂就点咗第一款全为寿司嘅$1,180晚餐。（有一点有少少奇怪嘅就系落单时只能用价钱指出所选之项目，其实如果餐厅可以为套餐改返个名系咪会更方便呢？！）饮品餐牌则共有两页。无奈美女当日下午刚刚酒醒，晚餐连啤酒都唔肯饮，搞到细佬都只好成晚陪饮茶，反而咁样可以睇得出姐姐仔如何细心体贴，因二人嘅茶杯整晚确真常满，每次饮完好快就会添返，赞！寿司套餐先以两款「先付」作序。第一道汁煮白梅贝烟烟韧韧，十分清香，近尾部嘅位置原来系其味道更鲜浓嘅肝脏。第二味前菜胡麻豆角虽然湿湿地，但咬落爽脆惹味。嘻嘻，可能小肥样子可爱啦，又或者得知女伴生日，估计都系后