尚廚

营业中

休息中

上网揾自助晚餐食，见到呢一间嘅主题喺《生蚝、松叶蟹脚、鸭肝自助晚餐》非常吸引，于是预订咗星期六，佢嘅价钱八五折后要差唔多五百六十元。食物方面冻海鲜有龙虾（但七点半左右已冇再供应，取而代之嘅喺龙虾钳）、松叶蟹脚、翡翠螺、纽西兰青口、冻虾同蚬。刺身就有吞拿鱼、白立鱼、希灵鱼、三文鱼同带子。冷盘就有沙律、芝士、杂锦冻肉拼盘同挪威烟熏三文鱼等。热盘撰择唔多，汤就有蘑菇忌廉汤同椰子煲鸡，另外有款炖汤。即开生蚝就每人每次只可以拎两只，还有现煮粉面档，烧味就只得白切鸡同烧鸭。生果同甜品就唔太吸引，雪糕就喺 Haagen-Dazs，有七种口味。饮品只得自己冲嘅咖啡、奶茶及柠檬茶，汽水果汁就要另外加钱。龙虾唔得，冇鲜味，冇食到都冇损失，蟹脚都可以。蚬同青口就一般，反而翡翠螺几好味。生蚝都唔算细只，味道都正常。希灵鱼个人唔喜欢所以冇拎到，三文鱼都新鲜，白立鱼就一般，吞拿鱼食落有渣，最好食都喺带子，鲜味十足。鸭肝多士，煎得好香，外脆内软，口感一流，羊架都唔错，烧牛肉就一般般，可能熟咗啲影响咗口感。