Dodam Chicken (利舞臺廣場)

营业中

休息中

今日约咗个唔使返工嘅太太friend,大家都好钟意煲韩剧， 过咗海喺铜锣湾行到脚软，拣咗韩式烤鸡炸鸡，Dodam Chicken 环境宽敞，有卡位，亦都适合大班人。以我估计老板系一对韩国人夫妇。两个人嗌咗个韩式鱼片汤, 双拼烤鸡(原味同白雪山芝士味)， 再叫咗个韩式酒精饮品Rita, 佢哋用咗apple cider， 好大杯 两个人share都够。一盆两款，每款鸡大概有七至八件，新鲜烤起，好入味! 好好食! 好香口! 心急又肚饿嘅我哋手套都冇戴即刻就拎起嚟食， 热辣辣好新鲜!先试个原味烤鸡，火候啱啱好，皮脆肉香，正!个白雪山烤鸡面头嘅芝士粉有啲似韩式蜂蜜芝士薯片𠮶种香味，越食越滋味，食到停唔到口!韩式鱼片汤都好大煲， 够四个人饮，唔同种类嘅鱼蛋鱼片，有洋葱有蛋，配鸡都唔错。下次应该嗌多啲人嚟，试多啲其他嘢食，尤其是炸鸡。