金加利餐廳 (已結業)

今日同林小B同一日放假系屋企瞓足成日, 晚餐同曚猪莲一齐到淘大圣安娜先买糭, 之后到金加利晚饭。罗宋汤- 汤料好足, 味道唔差, 仲有一小旧牛脊骨。南瓜汤- 卖相好浓南瓜味, 但饮落唔重南瓜味, 同埋有D似忌廉汤加南瓜蓉。蒜蓉汁龙脷意粉- 曚猪莲话好大碟, 龙脷好大件, 意粉炒过先上碟, 所以唔会冻冰冰, 伴碟椰菜花有两大旧。蒜蓉汁鸵鸟扒跟薯菜- 好多件鸵鸟扒, 我分咗D俾曚猪莲同林小B佢哋都话好好食, 薯菜系炸薯蓉角, 新鲜炸起好好食, 同呢间餐厅茄汁系用亨氏, 唔会好似地扪D味太甜, 所以更觉好食。咖喱薯仔鸡翼饭- 咖喱汁好浓椰汁味, 薯仔系大大旧白烚后加入, 不过本身薯仔都有味, 食时跟咖喱汁一齐食都唔错, 鸡翼系两大只全翼, 好彩林小B用刀叉叻, 所以好轻易将之分解进食, 换转系我我一定用手, 全翼系炸物, 比想像中差, 但D汁同薯仔攞到分。冻柠水& 冻柠茶- 唔会有问题。沙律- 虽然系罐头货, 但OK, 份量刚好。啫喱- 加咗花奶好好味, 唔会水汪汪咁。系淘大嚟讲, 呢间一定好过世华, 价钱合理(因为无收加一)。