三多炸肶 (已結業)

三多卒之开到嚟元朗喇，之前喺大埔一直想试，不过唔系未够六点就系因为已经食饱咗。开张嘅头一个礼拜经过都有成廿几人迫喺间舖既里里外外等鸡髀，我睬佢都戆dog ，而家开咗几个礼拜喇，𠮶阵班新屎坑排队L走哂喇，得番三几个客，我知道今日，系机会喇小志强。头几个礼拜都见到啲元朗人话同大埔𠮶间简直两回事，不过今日食完之后觉得元朗呢间都几好丫，之前睇人啲相以为佢个炸浆好厚，但系其实原来好薄好脆，𠮶块皮脆到好似薯片咁，被薯片包裹住嘅鸡肉异常咁嫩滑，不过近骨𠮶啲位就好似痴痴地肉，不过针又边有两头利架，我宁愿享受嫩滑既鸡肉喇。试过元朗舖之后，令我更加想试大埔舖，想睇吓系咪真系能够再好食到两回事丫嘛。另外奇怪喺大埔𠮶边𠮶间分店叫三多多，咁点解喺元朗呢边开分店唔跟住三多多多多落去呢？