三希樓 (利舞臺廣場)

营业中

休息中

前几日去咗铜锣湾三希楼食饭，好想同大家分享吓佢哋有啲咩好嘢食🥰✨✨驰名樟茶鸭✨✨之前都未试过食呢一个樟茶鸭，估唔到味道好清新，非常香嘅茶味，而且鸭肉又够嫩外皮又香脆，真系好出色。✨✨干锅猪大肠✨✨满满辣椒铺喺面，再加上爽口又烟靭嘅猪大肠，呢个辣小菜真系够邪恶。✨✨水煮滑牛肉✨✨平时多数都系食水煮鱼，今次见到有水煮滑牛肉，大家都系牛肉控，所以就一定叫啦！牛肉入口嫩滑，吸收晒辣汁精华，超正！✨✨青椒清香鱼✨✨呢个青椒相对冇辣椒咁辣，但系都唔可以睇小，辣味都系好够，加上鱼肉都大大片，口感都几滑溜。