Eggslut

营业中

休息中

人潮比我想像中少，排队落单要用英文，三文治(?)新鲜热辣，即叫即做，大约要等10-15分钟。装修感觉好似老麦😂但价钱贵接近一倍，心理有少少唔平衡😂*Fairfax sandwich 招牌炒滑蛋三文治 $68布里欧面包超软熟、湿润，带牛油香，包住用放养饲鸡蛋嘅炒蛋，蛋香十足，炒到全熟都可以保持嫩滑。神来之笔系炒蛋入面嘅细葱，令到成个包唔会好腻好单一。入面仲有焦糖洋葱、车打芝士、是拉差沙律酱，整体就系一个邪恶好食嘅组合。Slut 招牌蛋薯蓉加棍法面包 $58鸡蛋加薯蓉放入玻璃樽，经低温慢煮到蛋黄半熟，撒上细葱、海盐。鸡蛋半熟好似果酱嘅质地，但海盐令到佢好咸，反而薯蓉好滑又有牛油香，有惊喜。法包系败笔，唔脆又腍又韧，不行不行。