超級自助壽司店 (已結業)

寿司拼盘司令见到寿司档前有一盒盒既寿司，咁岩又想食下啲生冷野，就买左一盒有花之恋、帆立贝寿司同三文鱼腩寿司拼盘嚟食下。花之恋啲蛋黄酱超多，三文鱼都有肉地，食落多重口感。帆立贝寿司，司令最期待系个帆立贝，虽然唔腥，但司令食唔到鲜甜味，而且唔大粒，咬落冇咩口感，实属可惜。三文鱼腩寿司，三文鱼腩咬落烟韧，有口感，而且又鲜甜！三文鱼够新鲜同口感厚实，三文鱼腩算系多油脂，所以呢，呢个三文鱼腩，抵赞呀！睇到其他食评话员工态度麻麻地，不过可能司令由选寿司到比钱只系几分钟，所以觉得佢地态度都可以。