影片
更多
2023-05-17
94 浏览
大只仔今次觅食嘅店舖就系💥 三日月 💥 大只仔今日介绍呢间铁板烧餐厅，性价比都几高，晚餐铁板烧一人前只系 $998，而且餐厅有驻场日本籍大厨，经验丰富。大只仔今日被安排坐喺吧枱，可以一睹日本大厨嘅厨艺风范。拣好套餐之后，厨师就会送上前菜、沙律，之后就会整理好套餐嘅食材放喺客人面前，打下卡，影下相，食材真系好新鲜，鲍鱼仲不停郁紧。⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般/正常1⭐️ 差味道 ⭐️⭐️⭐️⭐️抵食 ⭐️⭐️⭐️⭐️⭐️服务 ⭐️⭐️⭐️⭐️⭐️环境 ⭐️⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯⋯三日月极上一人前铁板餐 $998 （另加一服务费）🔥 前菜三小点 （炒牛蒡 + 麻酱豆腐 + 鸡肉刺身）餐厅建议由淡味嘅豆腐食起，牛蒡炒香再洒上芝麻，几香口几好食，而鸡肉刺身，口感似食白身鱼刺身，味道几特别。🔥 沙律无花果沙律配上海葡萄，荷兰豆爽脆，沙律菜新鲜带甜，配上酸醋，味道好清新。🔥 极上刺身三点（牡丹虾 + 赤身 + 油甘鱼）牡丹虾好大只好新鲜，赤身有鱼味而且完全冇根，虽然未去到入口即溶但肉质嫩滑，油甘鱼有油香都系冇根，肉质嫩滑，值得称赞处理鱼生嘅师傅去根工夫做得不
💥 三日月 💥
大只仔今日介绍呢间铁板烧餐厅，性价比都几高，晚餐铁板烧一人前只系 $998，而且餐厅有驻场日本籍大厨，经验丰富。
大只仔今日被安排坐喺吧枱，可以一睹日本大厨嘅厨艺风范。
拣好套餐之后，厨师就会送上前菜、沙律，之后就会整理好套餐嘅食材放喺客人面前，打下卡，影下相，食材真系好新鲜，鲍鱼仲不停郁紧。
⋯⋯⋯⋯⋯⋯⋯⋯⋯⋯⋯⋯⋯⋯⋯
5⭐️ 超班
3⭐️ 一般/正常
1⭐️ 差
味道 ⭐️⭐️⭐️⭐️
抵食 ⭐️⭐️⭐️⭐️⭐️
服务 ⭐️⭐️⭐️⭐️⭐️
环境 ⭐️⭐️⭐️⭐️
⋯⋯⋯⋯⋯⋯⋯⋯⋯⋯⋯⋯⋯⋯⋯⋯
三日月极上一人前铁板餐（二人份）
$998
3 浏览
0 赞好
0 留言
三日月极上一人前铁板餐 $998 （另加一服务费）
🔥 前菜三小点
（炒牛蒡 + 麻酱豆腐 + 鸡肉刺身）
餐厅建议由淡味嘅豆腐食起，牛蒡炒香再洒上芝麻，几香口几好食，而鸡肉刺身，口感似食白身鱼刺身，味道几特别。
🔥 沙律
无花果沙律配上海葡萄，荷兰豆爽脆，沙律菜新鲜带甜，配上酸醋，味道好清新。
前菜三小点 + 沙律
1 浏览
0 赞好
0 留言
🔥 极上刺身三点
（牡丹虾 + 赤身 + 油甘鱼）
牡丹虾好大只好新鲜，赤身有鱼味而且完全冇根，虽然未去到入口即溶但肉质嫩滑，油甘鱼有油香都系冇根，肉质嫩滑，值得称赞处理鱼生嘅师傅去根工夫做得不错。
🔥 牡蛎
生蚝好大只好肥美，仲要好creamy，带微微海水味，放入口即刻滑咗落肚，生蚝超级新鲜。
大只仔超级推荐时令生蚝。🦪🦪
极上刺身三点 + 牡蛎
2 浏览
0 赞好
0 留言
🔥 南非鲍鱼
用上新鲜昆布加鲣鱼汁煮成酱汁，鲍鱼够淋，垫底嘅海带吸收晒鲍鱼精华，味道不错，而鲍鱼肝味道好浓烈，带少少苦味。
南非鲍鱼
3 浏览
0 赞好
0 留言
🔥 茶碗蒸
茶碗蒸超级滑，用上日本高汤，唧上松露油，味道香浓。
茶碗蒸
6 浏览
0 赞好
0 留言
🔥 帝王虎虾
帝王虎虾真系好大只，肉质爽脆，师傅用上虾头膏煮成酱汁，整碟菜都充满大虾嘅鲜味。
帝王虎虾
8 浏览
0 赞好
0 留言
🔥 野生白鳕鱼
鳕鱼煎得外脆内软，拿捏时间啱啱好，肉质好嫩滑，配上莎莎酱一齐食好开胃。
野生白鳕鱼
4 浏览
0 赞好
0 留言
🔥 美国安格斯牛柳 配 铁板烧野菜
用上美国安格斯牛柳，牛肉味重，师傅冇煮过火，肉嫩仲带粉红色，唔会过韧，可以点玫瑰盐或者黑胡椒增加味道。
烧野菜有好多件，包括芦笋、冬菇、茄子、番薯，芦笋同莲藕好爽脆，而番薯带甜，好好食。
美国安格斯牛柳 配 铁板烧野菜
4 浏览
0 赞好
0 留言
🔥 铁板炒饭
日本大厨真系用咗好多樱花虾去炒饭，每一啖饭都食到樱花虾。加入白饭鱼、葱花爆香配上餐厅自家制日本酸梅酱，成个饭都好香。
另一食法，可以加入高汤、Wasabi做茶渍饭。
铁板炒饭
3 浏览
0 赞好
0 留言
🔥 味噌汤
最后饮味噌汤清清味蕾，就可以食甜品。
🔥 甜品
甜品系豆腐雪糕，豆腐味都几突出。
甜品
4 浏览
0 赞好
0 留言
张贴
